جاڭبىر، قار، 3 گرادۋس ۇسىك: 7-9-قىركۇيەككە اۋا رايى بولجامى جاريالاندى

استانا. KAZINFORM – «قازگيدرومەت» ر م ك 7-9-قىركۇيەككە اۋا رايى بولجامى جاريالادى.

قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى، جاڭبىر جاۋىپ، وڭتۇستىك وڭىرلەردە نايزاعاي جارقىلدايدى: 7-قىركۇيەكتە رەسپۋبليكانىڭ سولتۇستىگىندە، وڭتۇستىگىندە جانە وڭتۇستىك-شىعىسىندا قاتتى جاڭبىر جاۋىپ، رەسپۋبليكانىڭ شىعىسىندا جانە وڭتۇستىك-شىعىسىنداعى تاۋلى اۋداندارىندا جاۋىن-شاشىن (جاڭبىر، قار) كۇتىلەدى. تەك ەلدىڭ باتىسىندا، سولتۇستىك-باتىس انتيتسيكلون سىلەمىمەن، جاۋىن-شاشىنسىز اۋا رايى كۇتىلەدى.

قازاقستان بويىنشا جەلدىڭ كۇشەيۋى بولجانادى. تۇنگى جانە تاڭەرتەڭگى ساعاتتاردا سولتۇستىك، شىعىس، ورتالىق ايماقتاردا تۇمان كۇتىلەدى. 7-قىركۇيەكتە سولتۇستىكتە، شىعىستا جانە ورتالىقتا، 8-قىركۇيەكتە قوستاناي وبلىسىندا، ەلىمىزدىڭ وڭتۇستىك-شىعىسىنداعى تاۋلى اۋداندارىندا توپىراق بەتىندە 3 گرادۋسقا دەيىن ۇسىك بولادى.