جاڭبىر، نايزاعاي، جەل: 3-ماۋسىمدا كۇن قۇبىلمالى بولادى

استانا. KAZINFORM - قازگيدرومەت سينوپتيكتەرى 3-ماۋسىم، دۇيسەنبىگە ارنالعان اۋا رايى بولجامىن جاريالادى.

قازاقستان اۋماعىنىڭ باسىم بولىگىندە اتموسفەرالىق فرونتتاردىڭ اسەرىنەن قۇبىلمالى اۋا رايى ساقتالادى.

نايزاعاي ويناپ، جاڭبىر جاۋادى، ەلدىڭ شىعىسىندا قاتتى جاڭبىر جاۋادى، كۇندىز بۇرشاق بولادى.

الايدا ەلدىڭ سولتۇستىك جانە ورتالىق ايماقتارىنا جاۋىن- شاشىنسىز اۋا رايىن اكەلەتىن انتيسيكلون اسەر ەتەدى.

رەسپۋبليكا بويىنشا جەل كۇشەيەدى، شىعىستا تۇنگى جانە تاڭەرتەڭگى ۋاقىتتا تۇمان تۇسەدى.

تۇركىستاننىڭ تاۋ بوكتەرىندەگى اۋداندارىندا، باتىس قازاقستان، قىزىلوردا، ماڭعىستاۋ، اتىراۋ، جامبىل، قوستاناي، اقتوبە، قاراعاندى جانە ۇلىتاۋ وبلىستارىندا ءورت قاۋپى جوعارى.

تۇركىستان وبلىسىنىڭ ءشولدى اۋداندارىندا، اتىراۋدىڭ سولتۇستىك- باتىسىندا، قىزىلوردا وبلىسىنىڭ شىعىسى مەن باتىسىندا، باتىس قازاقستان جانە شىعىس قازاقستان وبلىستارىنىڭ وڭتۇستىگىندە توتەنشە ءورت قاۋپى ساقتالادى.