جاڭبىر، نايزاعاي، جەل: 23-قىركۇيەككە ارنالعان اۋا رايى بولجامى

استانا. KAZINFORM - قازگيدرومەت سينوپتيكتەرى 23-قىركۇيەك، دۇيسەنبىگە ارنالعان اۋا رايى بولجامىن جاريالادى.

اتموسفەرالىق فرونتالدى بولىكتەر ەلىمىزدىڭ باسىم بولىگىندە تۇراقسىز اۋا رايىن ساقتايدى - جاڭبىر جاۋادى، وڭتۇستىگىندە، وڭتۇستىك- باتىسىندا، وڭتۇستىك- شىعىسىندا نايزاعايمەن. رەسپۋبليكانىڭ باتىسىندا، وڭتۇستىگىندە انتيسيكلون اسەرىنەن جاۋىن-شاشىنسىز اۋا رايى كۇتىلەدى. ق ر بويىنشا جەلدىڭ كۇشەيۋى، باتىستا، شىعىستا، وڭتۇستىك- شىعىستىڭ تاۋلى ايماقتارىندا تۇنگى جانە تاڭەرتەڭگى ساعاتتاردا تۇمان كۇتىلەدى.

اقتوبە، قاراعاندى، ۇلىتاۋ وبلىستارىندا، جەتىسۋ وبلىسىنىڭ باتىسىندا، باتىس قازاقستان وبلىسىنىڭ سولتۇستىگىندە، سولتۇستىك- شىعىسىندا، قىزىلوردا وبلىسىنىڭ سولتۇستىك-باتىسىندا، جامبىل وبلىسىنىڭ وڭتۇستىك- باتىسىندا، وڭتۇستىك- شىعىسىندا، شىعىس قازاقستان وبلىسىنىڭ باتىسىندا، وڭتۇستىگىندە، ورتالىعىندا، قوستاناي وبلىسىنىڭ وڭتۇستىگىندە، الماتى وبلىسىنىڭ باتىسىندا، ورتالىعىندا، اباي وبلىسىنىڭ شىعىسىندا جوعارى ءورت قاۋىپى ساقتالادى.

ماڭعىستاۋ، اتىراۋ، تۇركىستان، قىزىلوردا، جامبىل، باتىس قازاقستان وبلىستارىندا، ۇلىتاۋ وبلىسىنىڭ سولتۇستىگىندە، وڭتۇستىگىندە، اباي وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە، ورتالىعىندا، قاراعاندى وبلىسىنىڭ باتىسىندا، شىعىسىندا، اقتوبە وبلىسىنىڭ باتىسىندا، وڭتۇستىگىندە، ورتالىعىندا، الماتى وبلىسىنىڭ سولتۇستىگىندە توتەنشە ءورت قاۋپى ساقتالادى.