جاڭبىر، نايزاعاي، بۇرشاق: 14-16-مامىرعا اۋا رايى بولجامى جاريالاندى
22:41, 13 - مامىر 2024
استانا. KAZINFORM - قازگيدرومەت ر م ك 14-16-مامىرعا اۋا رايى بولجامىن جاريالادى.
الداعى كۇندەرى قازاقستاننىڭ اۋا رايىن وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىمدەر ايقىندايتىن بولادى: ەلىمىزدىڭ باسىم بولىگىندە جاڭبىر، نايزاعاي جارقىلداپ، بۇرشاق جاۋۋى مۇمكىن جانە جەل كۇشەيەدى.
14-15-مامىردا ەلىمىزدىڭ سولتۇستىگى مەن ورتالىعىندا، 15-16-مامىردا شىعىستا، 16-مامىردا وڭتۇستىگى مەن وڭتۇستىك-شىعىسىندا قاتتى جاڭبىر جاۋادى دەپ بولجانۋدا. 16-مامىردان باستاپ سولتۇستىك-باتىس ەنۋىمەن رەسپۋبليكانىڭ باتىسىندا، سولتۇستىك-باتىسىندا جانە سولتۇستىگىندە جاۋىن-شاشىن توقتاپ، اۋا تەمپەراتۋراسىنىڭ ايتارلىقتاي تومەندەۋى كۇتىلۋدە.