سينوپتيكتەر استانا، الماتى مەن شىمكەنتتە 13-قازان كۇنى اۋا رايى قانداي بولاتىنىن بولجادى. بۇگىن ەلىمىزدىڭ باسىم بولىگىندە اۋا رايى قۇبىلمالى بولادى. جاۋىن جاۋىپ، ەلدىڭ وڭتۇستىگىندە، وڭتۇستىك- شىعىسىندا قاتتى جاۋىن- شاشىن (جاڭبىر، قار) كۇتىلەدى.
قازاقستاننىڭ سولتۇستىك-باتىسىندا، سولتۇستىگىندە كۇن جاۋىن-شاشىنسىز. رەسپۋبليكا بويىنشا ەكپىندى جەل سوعىپ، تۇنگى جانە تاڭەرتەڭگى ساعاتتاردا تۇمان تۇسەدى.
جامبىل وبلىسىنىڭ وڭتۇستىك-باتىسىندا، تاۋلى اۋداندارىندا، الماتى وبلىسىنىڭ وڭتۇستىگىندە، تاۋلى اۋداندارىندا، جەتىسۋ وبلىسىنىڭ وڭتۇستىگىندە، ورتالىعىندا، تاۋلى اۋداندارىندا جەل تۇرىپ، جىلدامدىعى سەكۋندىنا 30 مەترگە جەتەدى جانە ودان دا جىلدام بولادى.
تۇركىستان وبلىسىنىڭ تاۋلى اۋداندارىندا، جامبىل وبلىسىنىڭ باتىسىندا 1-3 گرادۋس ۇسىك كۇتىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан