جاڭبىر جاۋىپ، نايزاعاي وينايدى: 3-مامىرعا ارنالعان اۋا رايى بولجامى
08:38, 03 - مامىر 2024
استانا. KAZINFORM - اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە اۋا رايى قۇبىلمالى بولادى. جاڭبىر جاۋىپ، نايزاعاي وينايدى.
«قازگيدرومەت» ر م ك مالىمەتىنشە، تەك وڭتۇستىك- شىعىستا، باتىس پەن وڭتۇستىكتىڭ جەكەلەگەن اۋداندارىندا اۋا رايى جاۋىن-شاشىنسىز بولادى. رەسپۋبليكا بويىنشا جەل كۇشەيەدى، وڭتۇستىكتە بوران سوعادى، وڭتۇستىك- باتىستا شاڭدى داۋىل تۇرادى. سولتۇستىك- باتىستا، سولتۇستىك جانە شىعىستا تۇمان تۇسەدى.
سولتۇستىك قازاقستان، قاراعاندى، شىعىس قازاقستان وبلىستارىندا، اقمولا وبلىسىنىڭ سولتۇستىك- شىعىسىندا 1-6 گرادۋستىق ۇسىك جۇرەدى.
ماڭعىستاۋ، اتىراۋ، قىزىلوردا، قاراعاندى، تۇركىستان، اقتوبە، اباي، ۇلىتاۋ وبلىستارىندا جوعارى ءورت ءقاۋپى ساقتالادى.