جاڭبىر، بۇرشاق، جەل: سينوپتيكتەر 4-ماۋسىم كۇنگى اۋا رايى بولجامىن جاريالادى

استانا. KAZINFORM - «قازگيدرومەت» ر م ك ەل اۋماعىندا 4-ماۋسىمدا بولاتىن قاۋىپتى مەتەورولوگيالىق قۇبىلىستارعا بولجام جاسادى.

سينوپتيكتەردىڭ مالىمەتىنشە، قازاقستان رەسپۋبليكاسى اۋماعىنىڭ باسىم بولىگىندە اتموسفەرالىق فرونتتاردىڭ وتۋىمەن تۇراقسىز اۋا رايى بولادى، نايزاعاي ويناپ، جاڭبىر جاۋادى. كۇندىز سولتۇستىكتە، شىعىستا بۇرشاق تۇسەدى. رەسپۋبليكا بويىنشا جەل كۇشەيۋى كۇتىلەدى.

«باتىس قازاقستان، قىزىلوردا، ماڭعىستاۋ، اتىراۋ وبلىستارىنىڭ وڭتۇستىگىندە، سولتۇستىگىندە، شىعىسىندا، ورتالىعىندا، سولتۇستىك- شىعىسىندا، تۇركىستان وبلىسىنىڭ تاۋ بوكتەرىندەگى اۋداندارىندا، جامبىل وبلىسىنىڭ سولتۇستىك- باتىسىندا، وڭتۇستىك- شىعىسىندا، قوستاناي وبلىسىنىڭ وڭتۇستىگىندە، اقتوبە وبلىسىنىڭ باتىسىندا، وڭتۇستىگىندە، قاراعاندى وبلىسىنىڭ وڭتۇستىگىندە، ۇلىتاۋ وبلىسىنىڭ وڭتۇستىگىندە جوعارى دەڭگەيدە ءورت قاۋپى ساقتالادى، جەتىسۋ وبلىسىنىڭ سولتۇستىگىندە، شىعىسىندا ءورت قاۋپى جوعارى بولۋى مۇمكىن»، - دەپ جازدى ۆەدومستۆو.

تۇركىستان وبلىسىنىڭ ءشولدى اۋداندارىندا، اتىراۋدىڭ سولتۇستىك- باتىسىندا، قىزىلوردا وبلىسىنىڭ شىعىسىندا، باتىسىندا، باتىس قازاقستان وبلىسىنىڭ وڭتۇستىگىندە توتەنشە ءورت قاۋپى ساقتالادى.