جاھاندىق جىلىنۋعا بايلانىستى جەردىڭ اينالۋى باياۋلادى

استانا. KAZINFORM - جەردىڭ اينالۋى بىرتە-بىرتە باياۋلاپ، تاۋلىك ۇزارادى. بۇل زەرتتەۋدى NASA عالىمدارى جۇرگىزدى.

- بۇل - جاھاندىق جىلىنۋدىڭ سالدارى. مۇزدىڭ ەرۋى مەن تەڭىز دەڭگەيىنىڭ كوتەرىلۋىنە بايلانىستى پلانەتانىڭ ماسساسى قايتا بولىنەدى. الايدا كۇندىزگى قوسىمشا ۋاقىت ادامدارعا كوپ جۇمىس ىستەۋگە مۇمكىندىك بەرۋى ەكىتالاي، كەرىسىنشە، بۇل ناۆيگاتسيالىق اقاۋ سياقتى جاعىمسىز سالدارعا اكەلەدى، - دەپ حابارلادى Pro كوسموس.

عالىمداردىڭ زەرتتەۋىنشە، جەردىڭ باياۋلاۋىنىڭ سەبەبى سوڭعى 120 جىلدا پلانەتانىڭ ءوسى شامامەن 10 مەترگە اۋىتقۋ مەحانيزمىنە بايلانىستى. مۇزدىقتار ەرىپ جاتىر، ءبىراق جاڭالارى قالىپتاسىپ ۇلگەرمەدى.

جەراستى سۋىندا دا ءدال وسىلاي بولادى - ول بۋلانىپ، جاۋىن-شاشىننىڭ جەتكىلىكسىزدىگىنەن تولتىرىلمايدى. سالدارىنان پلانەتانىڭ ماسساسى قايتا ءبولىنىپ، باياۋ اينالا باستايدى جانە ءوسى اۋىسادى.

مۇنى ءبىلۋ ءۇشىن عالىمدار الدىمەن جۇلدىزداردىڭ كورىنەتىن قوزعالىسىن ولشەۋ ارقىلى پوليۋستەردىڭ قوزعالىسىن قاداعالادى.

ءارى قاراي ولار كۆازارلاردىڭ راديو سيگنالدارىن تالداۋ ارقىلى ينتەرفەرومەتريا ءادىسىن قولداندى.

زەرتتەۋشىلەر پوليۋستەردىڭ قوزعالىسى جەردىڭ ىشكى بولىگىندەگى جانە ونىڭ بەتىندەگى پروتسەستەرگە بايلانىستى دەپ بۇرىننان بولجاعان.

اۆتور
ەركەجان سماعۇلوۆا