جاڭادان قۇرىلعان الاتاۋ قالاسى تۋرالى نە بەلگىلى؟

ەلىمىزدە جاڭا الاتاۋ قالاسى قۇرىلدى. ونىڭ جالپى اۋدانى - 88 مىڭ گەكتار، قالا حالقىنىڭ سانى 52,7 مىڭ ادام. بۇل تۋرالى ۇلتتىق ەكونوميكا مينيسترلىگىنەن ءمالىم ەتتى، دەپ حابارلايدى Kazinform.

«ق ر پرەزيدەنتىنىڭ تاپسىرماسىن ىسكە اسىرۋ اياسىندا ۇلتتىق ەكونوميكا مينيسترلىگى الاتاۋ قالاسىن قۇرۋ جونىندەگى ۇيىمداستىرۋ ءىس-شارالارىنىڭ («الماتى وبلىسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى») جوسپارىن ازىرلەدى. جوسپارعا سايكەس، ۇلتتىق ەكونوميكا مينيسترلىگى الماتى وبلىسىنىڭ اكىمدىگىمەن بىرلەسىپ ەكونوميكالىق ەسەپتەردى، جاڭا قالانىڭ سحەمالىق كارتاسىن دايىنداۋ بويىنشا جۇمىستار جۇرگىزدى. سونداي-اق حالىقپەن جيىن وتكىزىلىپ، سونىڭ نەگىزىندە الماتى وبلىسى مەن ىلە، تالعار اۋداندارى جانە قونايەۆ قالاسى ءماسليحاتتارىنىڭ شەشىمى قابىلداندى. جاڭا قالانى قۇرۋ جول جەلىلەرى، ينجەنەرلىك، الەۋمەتتىك ينفراقۇرىلىم وبەكتىلەرىن مودەرنيزاتسيالاۋعا، جاڭا جۇمىس ورىندارىن اشۋعا، ينۆەستيسيالاردى، تەحنولوگيالاردى، قوسىمشا قارجى اعىندارىن تارتۋعا، كاسىپكەرلىك بەلسەندىلىكتى دامىتۋعا، سالىق تۇسىمدەرىن ۇلعايتۋعا مۇمكىندىك بەرەدى»، - دەلىنگەن مينيسترلىك حابارلاماسىندا.

بۇل ءوڭىردىڭ ينۆەستيسيالىق تارتىمدىلىعى مەن ەكونوميكالىق تۇراقتىلىعىن جاقسارتۋعا ىقپال ەتەدى. سونىمەن قاتار ۇكىمەت ا ە ا (ارنايى ەكونوميكالىق ايماق) اۋماعىن 30 مىڭ گەكتاردان 96,5 مىڭ گەكتارعا دەيىن كەڭەيتۋ مەن G4 City ا ە ا-نى Alatau ا ە ا- عا قايتا اتاۋ تۋرالى شەشىمدى ماقۇلدادى.

وسىلايشا، الاتاۋ قالاسىنىڭ بارلىق اۋماعى جانە قونايەۆ قالاسىنىڭ ءبىر بولىگى ا ە ا اۋماعىنا جاتقىزىلادى. ارنايى ەكونوميكالىق ايماق اۋماعىندا قىزمەتتىڭ باسىم ءتۇرى بويىنشا ە ق ج ج-نىڭ (ەكونوميكالىق قىزمەت تۇرلەرىنىڭ جالپى جىكتەۋىشى) 17 اتاۋى نەگىزىندە 110 مىڭ جاڭا جۇمىس ورنىن قۇرا وتىرىپ، جالپى سوماسى 12,5 تريلليون تەڭگەگە 170 تەن استام جوبانى ورنالاستىرۋ كوزدەلىپ وتىر.

بولجامدى دەرەكتەرگە سايكەس، ا ە ا وبەكتىلەرى جوبالىق قۋاتىنا شىققاننان كەيىن بۇكىل كەزەڭدەگى باعالانعان جيىنتىق ۇلەسى 47,3 تريلليون تەڭگە، ونىڭ ىشىندە مۋلتيپليكاتيۆتىك اسەرى 17 تريلليون تەڭگە.

ايتا كەتەرلىگى، مەملەكەتتىك ينۆەستيتسيانىڭ ءاربىر 1 تەڭگەسىنە 3,8 تەڭگە جەكە ينۆەستيسيا تارتىلاتىن بولادى.