جاڭا وقۋ جىلىندا 1,7 ميلليون وقۋشىعا تەگىن تاماق بەرىلەدى

استانا. قازاقپارات - 1-قىركۇيەكتە قازاقستاننىڭ مەكتەپتەرىنە، كوللەدجدەرىنە جانە جوعارى وقۋ ورىندارىنا 3,9 ميلليون بالا بارادى، ونىڭ 360 مىڭى - ءبىرىنشى سىنىپ وقۋشىلارى.

 جالپى وقۋ جىلى 7,9 مىڭ ءبىلىم بەرۋ ۇيىمىندا باستالادى - مۇنداي مالىمەتتى ۇكىمەت وتىرىسى بارىسىندا وقۋ-اعارتۋ ءمينيسترى عاني بەيسەمبايەۆ ايتتى.

بۇگىنگى تاڭدا وڭىرلەردە وقۋلىقتارمەن قامتاماسىز ەتۋ �- عا جەتەدى. 25-تامىزعا دەيىن بارلىق وقۋلىقتار وڭىرلەرگە جەتكىزىلەتىن بولادى.

الەۋمەتتىك وسال ساناتتاعى وتباسىلاردان شىققان بالالارعا تەگىن تاماق بەرۋدى ۇيىمداستىرۋ جانە الەۋمەتتىك كومەك كورسەتۋ ماسەلەلەرىنە ەرەكشە نازار اۋدارىلدى.

«1-قىركۇيەكتەن باستاپ 1,7 ميلليون وقۋشى تەگىن تاماقتاناتىن بولادى. جىل سايىن الەۋمەتتىك وسال ساناتتاعى وتباسىلارعا كومەك كورسەتىلەدى. بيىل 510 مىڭ بالا مەكتەپكە دايىندالۋ ءۇشىن ءتيىستى كومەكپەن قامتىلدى. وسى ماقساتتا بيۋدجەتتەن 22,6 ميلليارد تەڭگە قاراستىرىلعان»، - دەدى وقۋ-اعارتۋ ءمينيسترى.

اۆتور

باقىتگۇل اباي قىزى