- وسى جىلى جوعارى ءبىلىمى بار كادرلاردى دايارلاۋعا جالپى مەملەكەتتىك تاپسىرىس كولەمى 91957 گرانتتى قۇراپ وتىر. اتاپ ايتقاندا باكالاۆريات – 75-371، ماگيستراتۋراعا – 11007، دوكتورانتۋراعا – 3079، سونداي-اق رەزيدەنتۋراعا 2500 گرانت بەرىلدى، - دەپ اتالىپ وتكەن كوميتەت مالىمەتىندە.
ايتا كەتەيىك، ەلدە العاش رەت رەزيدەنتۋراعا گرانتتار سيفرلىق جۇيە ارقىلى ءبولىندى.
بۇعان دەيىن حابارلانعانداي، جوعارى وقۋ ورىندارىنا قابىلداۋ ماگيستراتۋرا مەن دوكتورانتۋرا دەڭگەيىندە 28-تامىزعا دەيىن جالعاسادى.
قازىر گرانتقا كونكۋرستىق پروتسەدۋرالار جۇرگىزىلىپ جاتىر. باكالاۆرياتقا قابىلداۋ 25-تامىزدا اياقتالادى. بيىل مەمەلەكەتتىك گرانت كونكۋرسىنا 127 مىڭعا جۋىق تالاپكەر قاتىستى. بۇل بىلتىرمەن سالىستىرعاندا 14 مىڭعا كوپ. كونكۋرس ناتيجەلەرى 7-تامىزدا جاريالاندى.
سونىمەن بىرگە، الەۋمەتتىك وسال ساناتتارعا مەملەكەتتىك قولداۋ ساقتالدى. مەملەكەتتىك گرانتتاردان بولەك، اكىمدىكتەر، جوعارى وقۋ ورىندارى، ءارتۇرلى قورلار جانە رەكتورلار ەسەبىنەن شامامەن 5 مىڭ قوسىمشا گرانت قاراستىرىلىپ وتىر.
ەسكە سالساق، 2026-2027 وقۋ جىلىندا جالپى بولىنگەن گرانتتىڭ %4 قانداستارعا باعىتتالدى.