«جاڭا تيتۋلعا جورىق باستالدى»: جانىبەك ءالىمحان ۇلى بيىلعى باستى جوسپارىمەن ءبولىستى
كاسىپقوي بوكستان ورتا سالماقتا WBO جانە IBF تۇجىرىمى بويىنشا الەم چەمپيونى قازاقستاندىق جانىبەك ءالىمحان ۇلى بيىلعى باستى جوسپارىمەن ءبولىستى، دەپ حابارلايدى Kazinform.
«2024-جىل باستالدى دەگەنىمىز، جاڭا تيتۋلعا جورىق باستالدى دەگەن ءسوز. 2023 WBO تيتۋلىن ءساتتى قورعاپ، IBF تيتۋلىن جەڭىپ العان بەرەكەلى جىل بولدى. قۇداي قالاسا بيىل كەم دەگەندە تاعى 1 تيتۋلدى قانجىعاعا بايلاۋ كەرەك. قازاق ابىرويىن اسقاقتاتىپ، كوك تۋدى جەلبىرەتۋ كەرەك! ماقسات وسى»،-دەپ جازدى ج. ءالىمحان ۇلى ءوزىنىڭ Instagram-پاراقشاسىندا.
ەستەرىڭىزگە سالا كەتەيىك، ءالىمحان ۇلى وتكەن جىلى سوڭعى ايقاسىن 14-قازاندا ا ق ش- تا نەمىس بوكسشىسى ۆينچەنتسو گۋالتەريگە قارسى وتكىزىپ، التىنشى راۋندتا تەحنيكالىق نوكاۋتپەن جەڭىسكە جەتكەن بولاتىن. ناتيجەسىندە WBO چەمپيوندىق بەلبەۋىن ءساتتى قورعاپ، IBF بەلبەۋىن قانجىعاسىنا بايلادى.
ال قازاقستاندىق كاسىپقوي بوكسشى 2024-جىلى كاسىپقوي بوكستاعى جەتىستىگىن ارى قاراي جالعاپ، ءوز سالماعىندا ءۇشىنشى تيتۋلدىق بەلدىكتى جەڭىپ الۋدى كوزدەپ وتىر.
اۆتور
كۇنسۇلتان وتارباي