جاڭا سالىق كودەكسى بيۋجەتتى قالاي تولتىرادى؟

استانا. KAZINFORM - جاڭا سالىق كودەكسىن ىسكە اسىرۋ ارقىلى بيۋجەتكە 3,5 تريلليون تەڭگە ءتۇسۋى مۇمكىن.

بۇل تۋرالى پارلامەنت پالاتالارىنىڭ بىرلەسكەن وتىرىسىندا ۇلتتىق ەكونوميكا ءبىرىنشى ۆيتسە-ءمينيسترى ازامات ءامرين مالىمدەدى.

ونىڭ ايتۋىنشا، قوسىمشا تۇسىمدەردىڭ نەگىزگى كوزدەرىنە ق ق س مولشەرلەمەسىن 12 پايىزدان 16 پايىزعا دەيىن ارتتىرۋ، بانكتەر ءۇشىن كورپوراتيۆتى تابىس سالىعىن 25 پايىزعا دەيىن ۇلعايتۋ، الكوگول، تەمەكى جانە بەنزينگە اكتسيزدەردىڭ ءوسۋى، سونداي-اق، سالىق جەڭىلدىكتەرى قىسقارۋى كىرەدى.

«الدىن الا ەسەپتەۋلەر بويىنشا جاڭا سالىق كودەكسىن ەنگىزۋدەن قوسىمشا 3-3,5 تريلليون تەڭگە كۇتەمىز. سونىمەن قاتار، جالپى ەكونوميكالىق وسىمنەن تۇسەتىن تۇسىمدەر ەسكەرىلەدى»، - دەدى ازامات ءامرين.

ەسكە سالايىق، بۇعان دەيىن جاڭا سالىق كودەكسى پرەزيدەنتتىڭ قول قويۋىنا جىبەرىلەتىنى حابارلاندى.