ۋرالوگلۋ ءوز مالىمدەمەسىندە ىستانبۇل اۋەجايىنىڭ 16- تامىزداعى تاۋلىكتىك جولاۋشىلار اعىنى مەن رەيستەر سانى تۋرالى دەرەكتەردى كەلتىرىپ، اۋەجايدىڭ جاڭا رەكورد ورناتقانىن اتاپ ءوتتى.
- ىستانبۇل اۋەجايى 16-تامىزدا 1739 رەيس پەن 290287 جولاۋشىعا قىزمەت كورسەتىپ، تۇركيا مەن ەۋروپا تاريحىنداعى تاۋلىكتىك رەيستەر مەن جولاۋشىلار سانى بويىنشا ەڭ جوعارى كورسەتكىشكە قول جەتكىزدى، - دەدى ول.
مينيستر ىستانبۇل اۋەجايىنىڭ حالىقارالىق اۆياتسياداعى ستراتەگيالىق ماڭىزى ارتىپ كەلە جاتقانىن اتاپ ءوتتى.
- وتكىزۋ قابىلەتى، قۋاتتى ينفراقۇرىلىمى جانە قىزمەت كورسەتۋ ساپاسىنىڭ جوعارىلىعى ارقاسىندا ىستانبۇل اۋەجايى الەمدەگى جەتەكشى اۋەجايلاردىڭ قاتارىنا كىرەدى. جاڭا رەكوردتار ونىڭ جاھاندىق ترانزيتتىك حاب رەتىندەگى پوزيتسياسىن ودان ءارى نىعايتىپ كەلە جاتقانىن تاعى ءبىر مارتە كورسەتتى، - دەدى ۋرالوگلۋ.
ەسكە سالا كەتسەك، بۇعان دەيىن ەلوردا اۋەجايى مۇمكىندىگىنىڭ قانشالىقتى ارتقانىن جازدىق. ال استاناداعى جاڭا اۋەجايدىڭ قۇرىلىسى كەلەسى جىلى باستالاتىنى بەلگىلى بولدى.