بۇل تۋرالى ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءمالىم ەتتى.
- 2025 -جىلعى جەلتوقساندا سامارقاندتا وتكەن جويىلىپ كەتۋ قاۋپى تونگەن اڭ مەن وسىمدىكتەردىڭ حالىقارالىق ساۋداسى تۋرالى كونۆەنتسياسى (CITES) تاراپتار كونفەرەنتسياسىنىڭ (COP20) 20- وتىرىسىندا قابىلدانعان شەشىمگە سايكەس، قازاقستانعا كيىك ءمۇيىزىنىڭ حالىقارالىق ساۋداسىنا جالپى كولەمى 30 توننا كولەمىندە رۇقسات بەرىلدى. وسىعان بايلانىستى 30 توننا كيىك ءمۇيىزىن وتكىزۋ جوسپارلانىپ وتىر. قازىرگى ۋاقىتتا «جاسىل دامۋ» ا ق كيىك مۇيىزدەرىن وتكىزۋدى ۇيىمداستىرۋ بويىنشا ءتيىستى جۇمىستاردى ىسكە اسىرىپ جاتىر. وسى داتاداعى جاعداي بويىنشا كيىك مۇيىزدەرىن وتكىزۋ جۇزەگە اسىرىلمادى، - دەلىنگەن ورمان شارۋاشىلىعى جانە جانۋارلار دۇنيەسى كوميتەتىنىڭ Kazinform اگەنتتىگىنە بەرگەن جاۋابىندا.
ەسكە سالساق، بىلتىر جەلتوقسان ايىندا قازاقستان كيىك ءمۇيىزىن ەكسپورتتايتىنى ءمالىم بولدى.
ال بيىل ناۋرىز ايىندا ەكولوگيا جانە تابيعي رەسۋرستار ءمينيسترى ودان تۇسكەن قاراجات قاي ماقساتتا جۇمسالاتىنىن ايتتى. اقشا بيوالۋانتۇرلىلىكتى ساقتاۋعا، كيىكتەردى قورعاۋعا، شارۋاشىلىقتاردى ماتەريالدىق-تەحنيكالىق قامتاماسىز ەتۋگە جۇمسالادى.
سامارقاندتا وتكەن كونۆەنتسيا (CITES) وتىرىسىنىڭ شەشىمىنە سايكەس، جىلىنا 10 تونناعا دەيىن وتكىزۋگە بولادى.
وسى جىلى تامىز ايىندا الماتىدا 1,2 ميلليارد تەڭگەگە باعالانعان كيىك ءمۇيىزى ساتىلىمعا شىعارىلعانىن جازعان ەدىك.
ساتۋشى تاراپ - «جاسىل دامۋ» ا ق، ال بالانس ۇستاۋشى – ق ر ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «وحوتزووپروم» وندىرىستىك بىرلەستىگى» ر م ق ك.