جۇزدەگەن وتباسى ءۇشىن بۇل كۇن مەملەكەت تاريحىنداعى عانا ەمەس، ءوز اۋلەتتەرىنىڭ دە ەرەكشە كۇنىنە اينالدى.
وڭىرلىك دەنساۋلىق ساقتاۋ باسقارمالارىنىڭ مالىمەتىنشە، دۇنيەگە كەلگەن نارەستەلەردىڭ 435 ءى - ۇل، 422 ءسى - قىز. سونىمەن قاتار اتىراۋ جانە الماتى وبلىستارىندا ەكى ەگىز ءسابي دۇنيەگە كەلدى.
ءاربىر جاڭا ءومىر - ەلدىڭ جارقىن بولاشاعىنا باستار ماڭىزدى قادام. جاڭا كونستيتۋتسيا كۇشىنە ەنگەن تاريحي كۇنى 857 كىشكەنتاي قازاقستاندىقتىڭ ومىرگە كەلۋى - مەملەكەتتىڭ كونستيتۋتسيالىق دامۋىنىڭ جاڭا كەزەڭىمەن ۇندەسكەن ايرىقشا وقيعا.
قازاقستان رەسپۋبليكاسى دەنساۋلىق ساقتاۋ مينيسترلىگى اتا-انالاردى وتباسىنداعى قۋانىشتى جاڭالىقپەن قۇتتىقتاپ، سابيلەرگە زور دەنساۋلىق، باقىتتى بالالىق شاق جانە اماندىق تىلەيدى.
ايتا كەتەلىك قازاقستاندا دەموگرافيا بويىنشا العاشقى ۇلتتىق بايانداما ازىرلەنەدى.