جاڭا كۋالىكتە نەلىكتەن تۋعان ءوڭىردىڭ ورنىنا تۋعان ەل كورسەتىلىپ ءجۇر

ق ر ىشكى ىستەر مينيسترلىگى قۇجاتقا ەنگىزىلگەن وزگەرىستەردى ءتۇسىندىردى، دەپ حابارلايدى Kazinform اگەنتتىگى.

ىشكى ىستەر مينيسترلىگىنىڭ باسپا ءسوز قىزمەتىنىڭ حابارلاۋىنشا، وزگەرىس 2025 -جىلدىڭ ناۋرىز ايىندا كۇشىنە ەنگەن. «تۋعان جەرى» باعانىندا ەندى قالا نەمەسە ەلدى مەكەن ەمەس، تەك ەلدىڭ اتاۋى جازىلادى.

سوندىقتان، قازاقستاندا تۋعان ازاماتتاردىڭ جەكە كۋالىكتەرىندە «قازاقستان» دەپ كورسەتىلەدى. شەتەلدە دۇنيەگە كەلگەن ازاماتتاردىڭ دا تۋعان جەرى رەتىندە سول ەلدىڭ اتاۋى جازىلادى.

مىسالى، ەگەر قازاقستان ازاماتى ا ق ش-تا تۋعان بولسا، ونىڭ تۋعان جەرى -«ا ق ش».

ىشكى ىستەر مينيسترلىگى بۇل شەشىم قۇجاتتاۋ پروتسەسىن جەتىلدىرۋ جانە ونى حالىقارالىق تاجىريبەگە سايكەستەندىرۋمەن بايلانىستى ەكەنىن ءتۇسىندىردى.

ال، ازاماتتىڭ تۋعان جەرى، ياعني وبلىس، اۋدان جانە قالا تۋرالى تولىق اقپارات سيفرلىق جۇيەدە ساقتالادى. اگەنتتىك ازاماتتارعا بۇل وزگەرىسكە بايلانىستى اعىمداعى جەكە كۋالىكتەرىن اۋىستىرۋدىڭ قاجەتى جوق ەكەنىن اتاپ ءوتتى.

2026 -جىلدىڭ ءبىرىنشى جارتىجىلدىعىندا قازاقستاندا 1,5 ميلليوننان استام ازامات ءتولقۇجات پەن جەكە كۋالىك العان.

بۇعان دەيىن قازاقستان ىشكى ىستەر مينيسترلىگى الەۋمەتتىك جەلىلەردە ج س ن وزگەرتۋ مۇمكىندىگى تۋرالى تارالعان اقپاراتتى دا تۇسىندىرگەن بولاتىن.