جاڭا فورماتتاعى 740 مىڭ وقۋشىعا ارنالعان 369 مەكتەپ سالىنادى
استانا. KAZINFORM - ۇكىمەتتە پرەمەر- ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن كەڭەستە «جايلى مەكتەپ» ۇلتتىق جوباسىنىڭ ىسكە اسىرىلۋ بارىسى قارالدى.
مەملەكەت باسشىسىنىڭ تاپسىرماسى بويىنشا ەلىمىزدە «جايلى مەكتەپ» ۇلتتىق جوباسى ىسكە اسىرىلۋدا، ونىڭ شەڭبەرىندە 2026 -جىلعا دەيىن 740 مىڭ وقۋشى ورنىنا ارنالعان جاڭا فورماتتاعى 369 مەكتەپ سالۋ جوسپارلانۋدا. بۇگىنگى تاڭدا 217 مەكتەپ بويىنشا قارقىندى جۇمىس جۇرگىزىلىپ جاتىر.
ۇلتتىق جوبانى ىسكە اسىرۋ كەزىندە ءبىلىم بەرۋ ورتاسىنىڭ فۋنكسيونالدىعى مەن قاۋىپسىزدىگىنە ەرەكشە نازار اۋدارىلادى. باستاۋىش جانە جوعارى سىنىپ وقۋشىلارى ءۇشىن بولەك بلوكتار قاراستىرىلعان. تالاپتاردىڭ قاتارىندا زاماناۋي تەحنيكالىق قۇرالداردى ەنگىزۋ ارقىلى قاۋىپسىزدىك شارالارىن ارتتىرۋ، ەرەكشە ءبىلىم بەرۋدى قاجەت ەتەتىن بالالار ءۇشىن كەدەرگىسىز ورتا قۇرۋ جانە مەكتەپتەردى زاماناۋي پاندىك كابينەتتەرمەن قامتاماسىز ەتۋ كوزدەلگەن.
بۇل رەتتە وتاندىق تاۋار وندىرۋشىلەرگە باسىمدىق بەرىلەدى. ۇلتتىق جوباداعى قازاقستاندىق ءوندىرىس ماتەريالدارىنىڭ ۇلەسى ورتا ەسەپپەن p قۇرايدى، ونىڭ ىشىندە قۇرىلىس ماتەريالدارى �- عا دەيىن. جيھاز ونىمدەرى تەك وتاندىق وندىرىستەن قاراستىرىلعان.
«Samruk-Kazyna Construction» ا ق باسقارما ءتوراعاسى م. ايمانبەتوۆ بايانداعانداي، العاشقى نىسانداردى ىسكە قوسۋ بەلگىلەنگەن مەرزىمنەن بۇرىن اياقتالادى. ياعني، 21 جايلى مەكتەپ تامىز ايىندا وقۋ جىلى باستالعانعا دەيىن اشىلادى. بۇدان ءارى جوسپارعا سايكەس قىركۇيەك ايىندا 18 مەكتەپ، قازان ايىندا تاعى 58 جانە جىل سوڭىنا دەيىن 112 مەكتەپ اشىلادى. سونىمەن قاتار، ەلىمىزدە ءتۇرلى قارجى كوزدەرى ەسەبىنەن 85 مەكتەپتىڭ قۇرىلىسى جۇرگىزىلۋدە، ونىڭ ىشىندە 8 مەكتەپ پايدالانۋعا بەرىلدى جانە 30-دان استام مەكتەپتى جاڭا وقۋ جىلى باستالعانعا دەيىن سالۋ جوسپارلانۋدا.
سونداي- اق ۇلتتىق جوبانىڭ 2-كەزەڭىن ىسكە اسىرۋ بويىنشا ۇيىمداستىرۋشىلىق ماسەلەلەر تالقىلاندى، اتاپ ايتقاندا، 2025 -جىلدىڭ سوڭىنا دەيىن پايدالانۋعا بەرۋ مەرزىمىمەن 152 جايلى مەكتەپ سالۋ ءۇشىن مەردىگەرلىك ۇيىمداردى انىقتاۋ بويىنشا كونكۋرستاردى قىسقا مەرزىمدە وتكىزۋ تاپسىرىلدى.
جينالىس بارىسىندا رومان سكليار ۋاكىلەتتى مەملەكەتتىك ورگاندار مەن ۇيىمدارعا وتاندىق وندىرۋشىلەردى بارىنشا تارتۋ، قۇرىلىستىڭ ساپاسىنا قاتاڭ باقىلاۋ جاساۋ، پايدالانۋعا بەرۋدىڭ بەلگىلەنگەن جوسپارىن ساقتاۋ بويىنشا شارالاردى قامتاماسىز ەتۋدى تاپسىردى.
اۆتور
اسحات رايقۇل