- بۇل باستامانى قولدايمىن، ويتكەنى ازاماتتىق زاڭناما قالىپتاسقان قاتىناستاردى رەتتەپ قانا قويماي، قوعامدىق جانە ەكونوميكالىق ومىردەگى وزگەرىستەردى دە ەسكەرۋگە ءتيىس. سوڭعى ونجىلدىقتاردا ادامدار اراسىنداعى ءوزارا ءىس-قيمىل نىساندارى، مۇلىككە بيلىك ەتۋ، شارۋاشىلىق قىزمەتتى جۇرگىزۋ جانە مامىلەلەر جاساۋ تاسىلدەرى ايتارلىقتاي وزگەردى. بۇل رەتتە ازاماتتاردا زاڭگەردىڭ ءتۇسىندىرۋىن قاجەت ەتپەستەن، ءوز قۇقىقتارى مەن مىندەتتەرىن باعدارلاي الۋ مۇمكىندىگى بولۋى ءتيىس، - دەيدى زاڭگەر.
مىسالى، مۇرانى رەسىمدەۋ، جالداۋ شارتىن جاساسۋ نەمەسە مۇلىكتى پايدالانۋعا بەرۋ كەزىندە ادام ءوزى قابىلداعان شەشىمنىڭ قانداي قۇقىقتىق سالدارعا اكەپ سوعاتىنىن جانە زاڭدا قانداي كەپىلدىكتەر كوزدەلگەنىن ءتۇسىنۋى ماڭىزدى.
سوندىقتان جاڭا ازاماتتىق كودەكس جاي عانا جاڭارتىلعان قۇقىقتىق نورمالار جيىنتىعى ەمەس، كۇندەلىكتى قاتىناستاردى رەتتەۋدىڭ تۇسىنىكتى ءارى جۇيەلى نەگىزىنە اينالۋى ءتيىس.
زاڭنامانىڭ قولجەتىمدىلىگىنە، قۇقىقتىق نورمالاردىڭ ءوزارا ۇيلەسىمدىلىگىنە جانە ولاردىڭ ءىس جۇزىندە قولدانىلۋىنا ەرەكشە نازار اۋدارۋ قاجەت. بۇل ازاماتتاردىڭ قۇقىقتىق ساۋاتتىلىعىن ارتتىرۋعا جانە كوپتەگەن داۋلاردى تۋىنداماي تۇرىپ-اق بولدىرماۋعا مۇمكىندىك بەرەدى.
- جاڭا ازاماتتىق كودەكستى ساپالى ازىرلەۋ قوعامنىڭ قۇقىقتىق مادەنيەتىن نىعايتۋعا جانە مەملەكەت پەن ازاماتتاردىڭ مۇددەلەرىنە ساي كەلەتىن زاماناۋي قۇقىقتىق ورتانى قالىپتاستىرۋعا قوسىلعان ماڭىزدى ۇلەس بولاتىنىنا سەنىمدىمىن، - دەدى مامان.
ايتا كەتەيىك، مەملەكەت باسشىسى قاسىم-جومارت توقايەۆ قازاقستان حالقىنا جولداۋىن جاريالاۋ كەزىندە قۇرىلتاي دەپۋتاتتارى ۇكىمەتپەن بىرلەسە وتىرىپ، جاڭا ازاماتتىق كودەكستى ازىرلەۋگە تەز ارادا كىرىسكەنى ءجون ەكەنىن ايتقان بولاتىن.