بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتىپ بەردى، دەپ حابارلايدى قازاقپارات.
«باعدارلامالاۋ بويىنشا 20 يننوۆاتسيالىق مەكتەپ قۇرامىز. بۇل ج و و ەمەس، كوللەدج دە ەمەس، 2 جىلدا جوعارى بىلىكتى ماماندار دايارلاي الاتىن يننوۆاتسيالىق باعدارلامالاۋ مەكتەپتەرى دەپ اتالادى. بۇگىندە ەلىمىزدە ءدال وسىنداي 2 مەكتەپ بار، ونىڭ تۇلەكتەرى قازاقستاندا وتىرىپ- اق، جاھاندىق Big Tech كموپانيالارعا جۇمىس ىستەپ ءجۇر»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ءمينيستردىڭ ايتۋىنشا، يننوۆاتسيالىق مەكتەپتەردىڭ دامۋىن ىنتالاندىرۋ ءۇشىن Tech Orda باعدارلاماسى بويىنشا 20 مىڭ ۆاۋچەر بولىنەدى، ولار كەز كەلگەن ادامعا يننوۆاتسيالىق باعدارلامالاۋ مەكتەبىندە تەگىن وقۋعا مۇمكىندىك بەرەدى.
«بۇل يننوۆاتسيالىق مەكتەپتەرگە تەك قانا مەكتەپ تۇلەكتەرى نەمەسە ستۋدەنتتەر تۇسەدى دەگەن تالاپ جوق، وعان ءوز ماماندىعىن وزگەرتىپ، IT داعدىلارىن ۇيرەنگىسى كەلگەن كەز كەلگەن ادام تۇسە الادى»، - دەپ ءتۇسىندىردى ب. مۋسين.
ايتا كەتەيىك، مەملەكەت باسشىسىنىڭ جولداۋى اياسىندا «سيفرلاندىرۋ، عالىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسى ازىرلەنىپ، بەكىتىلدى. ۇلتتىق جوبا 10 باعىتتان، 226 تاپسىرمادان، 44 كورسەتكىشتەن جانە 211 ءىس- شارادان تۇرادى، ولاردى ىسكە اسىرۋ 2025 -جىلعا دەيىن جوسپارلانعان. ۇلتتىق جوبا اياسىندا حالىققا قىزمەت كورسەتۋ ورتالىقتارى دا سيفرلىق جانە ۆيدەوقىزمەتتەرىن ىسكە قوسادى. سونىمەن بىرگە، قازاقستاننىڭ بارلىق بالالارى ينفورماتيكا جانە باعدارلامالاۋ بويىنشا ساپالى ءبىلىم الۋى ءۇشىن «ۆيرتۋالدى ينفورماتيكا مۇعالىمى» جوباسى ىسكە اسىرىلماق.
اۆتور: ايجان سەرىكجان قىزى