IT- مامانداردىڭ ورتاشا ايلىعى قانشا
20:57, 31 - قازان 2024
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ سەناتتىڭ جالپى وتىرىسىندا IT- مامانداردىڭ ورتاشا ايلىعى قانشا ەكەنىن ايتتى.
«2023-جىلى قازاقستاندا IT- يندۋستريا قارقىندى ءوسىپ، جۇمىس ىزدەۋشىلەر ءۇشىن ەڭ تارتىمدى سالالاردىڭ بىرىنە اينالدى. IT- كومپانيالار سانى 17922 گە جەتتى. بۇل 2022-جىلمەن سالىستىرعاندا ارتىق»، - دەدى مينيستر.
ونىڭ ايتۋىنشا، IT ماماندارىنىڭ ورتاشا ايلىق جالاقىسى 588 مىڭ تەڭگەگە جەتكەن.
«بۇل وتكەن جىلمەن سالىستىرعاندا 35 پايىز ارتىق. IT- سەكتورىنداعى جۇمىسپەن قامتۋ كورسەتكىشى دە 12 پايىزعا ارتىپ، 187 مىڭ ادامعا جەتتى»، - دەدى جاسلان ماديەۆ.