الماتىدا ۆاكسينا العاندار اراسىندا iPhone 12 ويناتىلىپ جاتىر

الماتى. قازاقپارات - الماتىدا ۆاكسينانىڭ ءبىرىنشى كومپونەنتىن سالدىرعاندار لوتەرەياعا قاتىسىپ، باعالى سىيلىق ۇتا الادى، دەپ حابارلايدى قازاقپارات ءتىلشىسى.

مۇنداي شارا قالاداعى بىرنەشە بازار مەن ساۋدا ورتالىقتارىنداعى ۆاكسينالاۋ پۋنكتەرىندە وتكىزىلىپ جاتىر. ماسەلەن، 22-31 - مامىر ارالىعىندا جىبەك جولى كوشەسى مەن ابىلاي حان داڭعىلىنىڭ قيىلىسىندا ورنالاسقان «سۋم» ساۋدا ورتالىعىندا ويناتىلادى.

ۆاكسينا سالدىرىپ، iPhone 12 ۇيالى تەلەفونىن ۇتىپ الۋعا مۇمكىندىك بار. IPhone 12 ۇتىس ويىنى 2021 -جىلى 31 - مامىردا ساعات 12.00-دە وتەدى. ۆاكسيناتسيا جاسالعان كۇنى ءسىز ۇتىس ويىنىنىڭ كۋپونىن الاسىز، ول سىزگە سۋم ساۋدا ءۇيىنىڭ دۇكەندەرىندە قوسىمشا جەڭىلدىكتەر الۋعا مۇمكىندىك بەرەدى. ۇتىس ويىنىنىڭ جەڭىمپازى ناۋقانعا قاتىسۋشىلار اراسىندا كەزدەيسوق تاڭداۋ ارقىلى انىقتالادى.

ىرىكتەۋ ناتيجەسى ينستاگرامداعى TSUM رەسمي پاراعىندا 31- مامىر كۇنى جاريالانادى. جەڭىمپاز سۋم ۆاكسيناتسيا ورتالىعىندا بەرىلگەن تىركەۋ تالونى جانە جەكە كۋالىگى بولعان جاعدايدا عانا سىيلىق الادى. اكسيا المالى اۋدانانى اكىمى اپپاراتىنىڭ قاتىسۋىمەن ۇيىمداستىرىلۋدا.

ايتا كەتەيىك، بۇعان دەيىن «ستروي سيتي»، «اقبۇلاق» ساۋدا ورتالىقتارى مەن «جىبەك جولى» بازارىندا ويناتىلعان بولاتىن. اكسيانىڭ باستى ماقساتى - پاندەميامەن كۇرەسۋ، حالىقتى ۇجىمدىق يممۋنيتەتتى قالىپتاستىرۋ ءۇشىن ۆاكسينا الۋعا ىنتالاندىرۋ.

اۆتور: الما مۇقانوۆا