س ق و اۋداندارىنىڭ بىرىندە اۋىلدىق جەردە تۇراتىن ەرلى-زايىپتى ينتەرنەت-الاياقتاردىڭ «ينۆەستيتسيا» سحەماسىنا الدانىپ، 10 ميلليون تەڭگەسىنەن قاعىلعان.
60 جاستاعى اۋىل تۇرعىنىنىڭ Instagram جەلىسىنەن 1991-جىلعا دەيىن تۋعان ازاماتتاردىڭ بارلىعىنا بەلگىلى ءبىر بانك تولەم جاسايتىنى تۋرالى جارنامانى كورۋىنەن باستالعان. ايەل ءوتىنىم بەرىپ، اتى-ءجونى مەن تەلەفون ءنومىرىن كورسەتكەن. كوپ ۇزاماي وعان ءوزىن «Goldmans Group» بروكەرلىك كومپانياسىنىڭ مامانى رەتىندە تانىستىرعان ادام قوڭىراۋ شالعان.
ايتا كەتەيىك، ءدال وسىنداي اتاۋدى نان-توقاش ونىمدەرىن شىعاراتىن ناقتى كاسىپورىن دا پايدالانادى. الاياق ايەلگە ينۆەستيتسيا ارقىلى تابىس تابۋدى ۇسىنعان. ونىڭ نۇسقاۋىن ورىنداعان اۋىل تۇرعىنى «ساۋدا شوتىن» اشىپ، بانك سەرۆيسى ارقىلى ءبولىپ تولەۋگە العان 100 دوللاردى سول شوتقا اۋدارعان. كەيىن شامامەن ءبىر اي بويى ونىمەن ءوزىن «اناليتيك» دەپ تانىستىرعان ايەل بايلانىستا بولىپ، «ينۆەستيتسيا» جاساۋ بويىنشا «كەڭەس» بەرىپ وتىرعان. اۋىل تۇرعىنى بۇل سحەماعا كۇيەۋىن دە قاتىسۋعا كوندىرگەن. ولار بارلىق جيناعان قاراجاتىن جۇمساپ، ءارتۇرلى بانكتەردەن نەسيە العان. كەيىن عانا كيبەرالاياقتاردىڭ قۇربانى بولعاندارىن تۇسىنگەن.
- كەلتىرىلگەن شىعىن كولەمى 10 ميلليون تەڭگەنى قۇرادى. وسى دەرەك بويىنشا پوليتسەيلەر الاياقتىق سحەماعا دروپپەر رەتىندە قاتىسقان ءبىرقاتار ادامدى انىقتادى. ءتارتىپ ساقشىلارى ءتۇسىندىرۋ جۇمىستارىن جۇرگىزگەننەن كەيىن جابىرلەنۋشىلەر دروپپەرلەردەن كەلتىرىلگەن شىعىندى ءوندىرۋ تۋرالى ازاماتتىق سوتقا تالاپ ارىز بەرگەن،- دەيدى ءتارتىپ ساقشىلارى.
پوليتسەيلەردىڭ ايتۋىنشا، «ينۆەستيتسيا» ارقىلى الداۋ سحەماسى ەڭ كوپ تارالعان تاسىلدەردىڭ ءبىرى ەمەس. جىل باسىنان بەرى س ق و- دا مۇنداي الاياقتىقتىڭ 16 دەرەگى تىركەلگەن. الايدا مۇنداي قىلمىستار كوپ جاعدايدا اسا ءىرى مولشەردەگى شىعىنعا اكەلەدى. ينتەرنەت ارقىلى تابىس تابۋدى جوسپارلاماس بۇرىن، بۇل ماسەلەنى مۇقيات زەرتتەگەن ءجون.