ۇجىم «رادۋگا يسكۋسستۆ» حالىقارالىق تالانتتار بىرلەستىگىنىڭ «حالىق ءبيى، انسامبل، ارالاس ەرەسەك توپ» نوميناتسياسى بويىنشا «دالا قىزعالداقتارى» بيىمەن ءبىرىنشى دارەجەلى لاۋرەات ديپلومىمەن ماراپاتتالدى.
ءبي ۇجىمى بۇل بايقاۋعا العاش رەت قاتىسىپ وتىر. ءىس-شارا بالالار مەن جاستاردىڭ كوركەمونەرپازدىقتارىن قولداۋ جانە دامىتۋ، شىعارماشىلىق ارقىلى كورەرمەندى ۇلتتىق مادەنيەتتەردىڭ داستۇرلەرىنە تارتۋ، قاتىسۋشىلاردىڭ ورىنداۋشىلىق دەڭگەيىن ارتتىرۋ جانە جاڭا شىعارماشىلىق ۇجىمداردى ىزدەۋ ماقساتىندا وتكىزىلدى.
جاقسى اۋدانىنىڭ جاس دارىندارىنا لايىقتى باعا بەرگەن بايقاۋدىڭ قازىلار القاسىنىڭ قۇرامىنا ۆوكالدىڭ كاسىبي پەداگوگتارى، كومپوزيتورلار، كينو اكتەرلەرى، رەجيسسەرلەر مەن حورەوگرافتار كىردى.
«كارناۆال» ءبي ۇجىمى 2001-جىلدان باستاپ بەلاعاش اۋىلدىق مادەنيەت ۇيىندە جۇمىس ىستەيدى. ۇجىم اۋىلدىڭ، اۋداننىڭ جانە وبلىستىڭ مادەني ومىرىنە بەلسەندى قاتىسادى. وسى جىلدار ىشىندە «كارناۆال» ءتۇرلى شىعارماشىلىق كونكۋرستاردىڭ، فەستيۆالدار مەن كوركەمونەرپازدار بايقاۋلارىنىڭ جەڭىمپازى جانە جۇلدەگەرى بولدى»، - دەدى اۋىلدىق مادەنيەت ءۇيىنىڭ ديرەكتورى ەلميرا سۇلەيمانوۆا.
سايىس ۇيىمداستىرۋشىلارىنان العىس حاتتى ۇجىم جەتەكشىسى ەلەنا ريگا دا الدى. بۇل ءبي ۇجىمى ءۇشىن حالىقارالىق دەڭگەيدەگى العاشقى جەتىستىك بولدى.