حەزبوللانىڭ جاڭا باسشىسى ا ق ش-تاعى سايلاۋعا قاتىستى پىكىر ءبىلدىردى

استانا. KAZINFORM - بۇگىن «حەزبوللا» قوزعالىسىنىڭ بۇرىنعى باسشىسى حاسان ناسراللانىڭ قايتىس بولعانىنا 40 كۇن بولدى. ونىڭ جاڭا جەتەكشىسى نايم كاسەم ەستەلىك ءسوز سويلەدى. وندا ول توپ جانجالدى ديپلوماتيالىق جولمەن شەشۋگە سەنبەيتىنىن جانە ا ق ش-تاعى پرەزيدەنت سايلاۋىنىڭ ناتيجەلەرىنە ءمان بەرمەيتىنىن ايتتى، دەپ حابارلايدى Sky news arabia.

«امەريكاداعى سايلاۋدا كامالا حارريس، الدە دونالد ترامپ پا، قايسىسى جەڭىسكە جەتسە دە، ءبىز ءۇشىن ول ماڭىزدى ەمەس»، - دەدى نايم قاسەم.

ول سونداي-اق بۇل (ا ق ش-تاعى سايلاۋ - رەد.) جالپى ساياسي باعىتقا اسەر ەتپەيتىنىن جانە يزرايل پرەمەر-ءمينيسترى بينيامين نەتانياحۋدى توقتاتپايتىنىن اتاپ ءوتتى.

«ءبىز ءوز ءۇمىتىمىزدى ساياسي وقيعالارمەن بايلانىستىرمايمىز. «حەزبوللا» «جاۋ اگرەسسيانى توقتاتقاننان» كەيىن عانا اتىستى توقتاتۋ كەلىسسوزدەرىن باستاۋعا دايىن بولادى»، - دەدى كاسەم.

ول «حەزبوللانىڭ» جاۋعا قارسى تۇرۋ ءۇشىن دايىندالعان ون مىڭداعان جاۋىنگەرى بار ەكەنىن قوسىپ ءوتتى.

«ەگەر جاۋ توزدىراتىن سوعىسقا ستاۆكا جاساسا، قانشا ۋاقىت قاجەت بولسا دا، ءبىز قاتىسامىز»، - دەدى نايم كاسەم.

بۇعان دەيىن تاياۋ شىعىس وڭىرىندەگى شيەلەنىستىڭ كۇشەيۋىنە بايلانىستى پرەزيدەنت قاسىم-جومارت توقايەۆتىڭ تاپسىرماسى بويىنشا قازاقستاننىڭ ءتيىستى مەملەكەتتىك ورگانداردىڭ قاتىسۋىمەن ليۆاننان قازاقستان ازاماتتارىن جانە ولاردىڭ وتباسى مۇشەلەرىن ەلگە ەۆاكۋاتسيالاۋ شارالارى جۇزەگە اسىرىلدى.

اۆتور
زارينا تۋعانبايەۆا