«حەزبوللا» يزرايل سوققىسىنان باسپا ءسوز حاتشىسىنىڭ قازا تاپقانىن راستادى

استانا. KAZINFORM - ليۆاننىڭ «حەزبوللا» قارۋلى توبى جەكسەنبى كۇنى يزرايلدىڭ بەيرۋت ورتالىعىنداعى عيماراتقا جاساعان سوققىسى سالدارىنان ونىڭ باسپا ءسوز حاتشىسى ءارى ب ا ق- پەن بايلانىس باسشىسى موحامماد افيفتىڭ قازا تاپقانىن راستادى.

بەيرۋت ورتالىعىنداعى حالىق تىعىز ورنالاسقان راس- ءان- ناباا اۋدانىندا يزرايل اۋە كۇشتەرىنىڭ شابۋىلىنان تاعى ءۇش ادام جاراقات الدى.

يزرايل اسكەرى ادەتتە بەيبىت تۇرعىنداردى شابۋىل الدىندا ەۆاكۋاتسيالاۋ كەرەكتىگىن ەسكەرتەدى. بۇل جولى عيماراتقا ەسكەرتۋسىز شابۋىل جاسالدى. بەيرۋتتىڭ وڭتۇستىك شەتىندەگى يزرايلدىڭ شابۋىلدارى سالدارىنان بوسقىنعا اينالعان كوپتەگەن ليۆاندىقتار راس-ءان- ناباا ايماعىن پانالادى.

يزرايل اقپارات قۇرالدارىنىڭ حابارلاۋىنشا، افيف بەيرۋت ورتالىعىنداعى سيريانىڭ بااس پارتياسىنىڭ شتاب- پاتەرىنە جاسالعان شابۋىلدا قازا تاپقان. ليۆانداعى بااس پارتياسىنىڭ باسشىسى ءالي حيدجازي ليۆاننىڭ «ءال- جاديد» تەلەارناسىنا افيفتىڭ عيماراتتا ەكەنىن ايتقان.

موحامماد افيف بىرنەشە جىل بويى «حەزبوللا» ۇيىمىنىڭ «ءال- مانار» تەلەارناسىن باسقارعان.

افيف 27 -قىركۇيەكتە بەيرۋتتىڭ وڭتۇستىك ماڭىنداعى يزرايل اۋە شابۋىلىندا قازا تاپقان «حەزبوللا» باس حاتشىسى حاسان ناسراللانىڭ ۇزاق ۋاقىت ب ا ق جونىندەگى كەڭەسشىسى بولعان.

جەكسەنبى كۇنى كەشكە يزرايل اسكەرى افيفتىڭ كوزىن جويعانى تۋرالى مالىمدەمە جاسادى. ليۆان دەنساۋلىق ساقتاۋ مينيسترلىگى سوققى سالدارىنان ءبىر ادام قازا تاۋىپ، ءۇش ادام جارالانعانىن حابارلادى.

يزرايل قورعانىس كۇشتەرىندە ونى «حەزبوللا» ۇيىمىنىڭ باستى ناسيحاتشىسى جانە وكىلى دەپ اتادى.

ساحال افيفتىڭ «جوعارى لاۋازىمدى تۇلعالارمەن بايلانىستا بولعانىن جانە «حەزبوللانىڭ» يزرايلگە قارسى لاڭكەستىك ارەكەتتەرىن ناسيحاتتاۋعا جانە جۇزەگە اسىرۋعا تىكەلەي قاتىسقانىن» مالىمدەيدى.

وسىعان دەيىن يزرايل اسكەرى بەيرۋتتىڭ ورتالىق اۋداندارىنا سوققى بەرگەنى تۋرالى حابارلادىق.

اۆتور

ەركەجان سماعۇلوۆا