«حەزبوللا» ۇيىمى اقپاراتتىق قىزمەتىنىڭ باسشىسى قازا تاپتى

استانا. KAZINFORM - بەيرۋتتىڭ ورتالىق بولىگىندەگى راس- ەن- ناباا ايماعىنا يزرايل اسكەري- اۋە كۇشتەرى جۇرگىزگەن شابۋىل كەزىندە «حەزبوللا» ۇيىمى اقپاراتتىق قىزمەتىنىڭ باسشىسى مۇحاممەد افيفتىڭ قازا تاپقانى بەلگىلى بولدى. بۇل تۋرالى ت ا س س اگەنتتىگى جازدى.

Al Jadeed تەلەارناسىنىڭ حابارلاۋىنشا، افيف سيريانى قولدايتىن اراب سوتسياليستىك قايتا جاڭعىرۋ پارتياسىنىڭ شتاب- پاتەرى ورنالاسقان عيماراتتا بولعان جانە كەم دەگەندە ەكى زىمىران سوققىسىنا ۇشىراعان.

رەسپۋبليكانىڭ دەنساۋلىق ساقتاۋ مينيسترلىگىنىڭ حابارلاۋىنشا، ءۇش بەيبىت تۇرعىن جارالانعان.

بۇعان دەيىن يزرايل ارمياسى حەزبوللا جەتەكشىسى حاسان ناسراللانىڭ قايتىس بولعانىن حابارلاعان بولاتىن. سودان كەيىن جاڭا باسشى سايلاندى.

ايتا كەتەيىك، يزرايل ارمياسىنىڭ ليۆاننىڭ وڭتۇستىگىندەگى جەرۇستى وپەراتسياسى قازاننىڭ 1 ىنە قاراعان ءتۇنى باستالدى.

حاماس باقىلايتىن پالەستينا دەنساۋلىق ساقتاۋ مينيسترلىگىنىڭ مالىمەتى بويىنشا، گازاداعى ءبىر جىلعا سوزىلعان قاقتىعىستاردا 43 مىڭنان استام ادام قازا تاپتى، ءبىراق ولاردىڭ قانشاسى بەيبىت تۇرعىندار ەكەنى ناقتىلانباعان.