«حەزبوللا» ءوز جەتەكشىسى حاسان ناسراللانىڭ قازا بولعانىن راستادى
09:16, 29 - قىركۇيەك 2024
ليۆاننىڭ راديكالدى شيتتەر قوزعالىسى «حەزبوللا» ءوزىنىڭ جەتەكشىسى حاسان ناسراللانىڭ يزرايلدىڭ بەيرۋتقا جاساعان سوققىسىنان قايتىس بولعانىن راستادى.
بۇعان دەيىن BBC گە سىلتەمە جاساپ، يزرايل ارمياسى «حەزبوللا» جەتەكشىسى حاسان ناسراللانىڭ ولتىرىلگەنىن مالىمدەگەنىن جازعان بولاتىنبىز.
ت س ا ح ا ل مالىمدەمەسىندە ءبىر كۇن بۇرىن يزرايل اۋە كۇشتەرىنىڭ جاۋىنگەرلەرى بەيرۋتتىڭ داحيا اۋدانىنداعى تۇرعىن ءۇيدىڭ استىندا ورنالاسقان «حەزبوللانىڭ» ورتالىق شتاب-پاتەرىنە سوققى بەرگەنى ايتىلعان. سوققى توپتىڭ جوعارى قولباسشىلىعى شتابتا بولعان كەزدە جاسالدى.
ودان بولەك، يزرايلدىڭ «حەزبوللا» شتابىنا سوققىسىنان سوڭ يران ۇلتتىق قاۋىپسىزدىك كەڭەسىنىڭ شۇعىل وتىرىسىن شاقىرعانىن جازعان ەدىك.