وتكەن ايدا لۋكا نەمەرە اعاسىمەن بىرگە بۋگەنۆيل ارالىنىڭ سولتۇستىگىنەن قايىقپەن بالىق اۋلاۋعا شىققان. تەڭىزدە قايىقتىڭ قوزعالتقىشى ىستەن شىققان. قايىقتا زاكىر بولماعاندىقتان، اعىس ونى جاعالاۋدان بارعان سايىن الىستاتا بەرگەن.
27-قازاندا كيريباتي بالىقشىلارى تاراۆا مەن مايانا ارالدارىنىڭ اراسىنان قالقىپ جۇرگەن قايىقتى بايقاعان. بۇل اعايىندىلار تۇرعان جەردەن شامامەن 2000 شاقىرىم قاشىقتىقتا ورنالاسقان.
انىقتاما: كيريباتي رەسپۋبليكاسى - ميكرونەزيا مەن پولينەزيادا، مۇحيت ارالدارىندا ورنالاسقان ارالدىق مەملەكەت.
بالىقشىلاردىڭ ايتۋىنشا، قايىقتا تەك 18 جاستاعى لۋكا بولعان. كەيىنىرەك نەمەرە اعاسىنىڭ قۇتقارىلعانعا دەيىن ءبىر اپتا بۇرىن قايتىس بولعانى انىقتالدى.
لۋكا راحان اۋرۋحاناعا جەتكىزىلدى. قازىر ونىڭ دەنساۋلىعى قالپىنا كەلىپ جاتىر.
بۇل - كەيىنگى ءبىر ايدا بۋگەنۆيل تۇرعىندارىنىڭ كيريباتي ماڭىنان قۇتقارىلعان ەكىنشى وقيعاسى. بۇعان دەيىن تەڭىزگە اعىپ كەتكەن ءۇش بالىقشى 70 كۇن بويى اشىق سۋدا قالقىپ جۇرگەن. ولار تىلشىلەرگە تاسباقانىڭ شيكى ەتى مەن كاكاونى ازىق ەتىپ، امان قالعاندارىن ايتقان.