حيۋاز دوسپانوۆا، مانشۇك مامەتوۆا، ءاليا مولداعۇلوۆانىڭ ءىزباسارلارى پارادتا ساپ تۇزەدى
استانا. KAZINFORM - ەلوردادا جەڭىستىڭ 80 جىلدىعىنا وراي ءوتىپ جاتقان اسكەري پارادتا جاۋىنگەر ارۋلار ءجۇرىپ ءوتتى.
تريبۋنا الدىنان قازاقتىڭ باتىر قىزدارى مانشۇك مامەتوۆا، حيۋاز دوسپانوۆا، ءاليا مولداعۇلوۆانىڭ ەرلىگىن ەسكە سالاتىن اسكەري ساپ ءوتتى. ولار مانشۇك، حيۋاز، ءاليانىڭ بۇگىنگى ءىزباسارلارى.
شەرۋ توبىن شىعىس وڭىرلىك اسكەرلەرىنىڭ قولباسشىسى، گەنەرال مايور جەڭىس مارالوۆ باسقاردى.
بۇگىندە اسكەردەگى ارۋلار پسيحولوگ، مەديتسينا قىزمەتكەرى، مەرگەن، بايلانىسشى، تەڭىزشى جانە باسقا دا ماماندىقتاردى جەتىك مەڭگەرگەن. قارۋلى كۇشتەر اسكەرلەرىنىڭ بارلىق ءتۇرى مەن قۇرامىندا اسكەري قىزمەت وتكەرەدى.
استانادا اسكەري پاراد ءوتىپ جاتىر.
سالتاناتتى ءىس-شاراعا مەملەكەت باسشىسى قاسىم-جومارت توقايەۆ قاتىسىپ وتىر.
وعان ەلورداداعى پارادقا ەل وڭىرلەرىنەن سوعىس ارداگەرلەرى كەلدى.
بۇعان دەيىن قازاقستاندىق بىتىمگەرلەر اسكەري پارادتا ءجۇرىپ ءوتتى.