چەحيادا اپتاپ ىستىقتان قويماداعى وق- دارىلەر جارىلا باستادى

استانا. KAZINFORM - چەحيانىڭ سولتۇستىك- باتىسىنداعى ليتومەرجيتسە قالاسى اۋدانىندا ارميانىڭ وق- ءدارى قويماسى ماڭىنان ءورت شىقتى. بۇل تۋرالى رەسەيلىك ت ا س س ctk اقپارات اگەنتىگىنە سىلتەم جاساپ حابارلايدى.

ءورتتى سوندىرۋگە 12 ءورت ءسوندىرۋشى بولىمشە جۇمىلدىرىلىپ، ولار اۆيتەحنيكانى قولداندى. جالىن شارپىعان ءتورت گەكتار ايماقتا جەر استىندا جاتقان ەسكى وق- دارىلەر جارىلىپ، جاعدايدى ودان سايىن قيىنداتتى. بيلىك توتەنشە جاعداي بولعان ايماققا جاقىن ەلدى مەكەن تۇرعىندارىن ورمانعا سەرۋەندەۋدەن باس تارتۋعا شاقىردى.

چەحيادا اپتاپ ىستىق كۇن سايىن كۇشەيىپ كەلەدى. تەرمومەتردىڭ باعانى سارسەنبى كۇنى 35 گرادۋستان جوعارى تەمپەراتۋرانى كورسەتتى. بەيسەنبى كۇنى مەتەورولوگتاردىڭ بولجامىنشا، كۇن تاعى دا ىسيدى. اۋا تەمپەراتۋراسى 40 گرادۋسقا جەتۋى ىقتيمال. ورمان ءورتىنىڭ قاۋپى ءتونىپ تۇر.

وسىعان دەيىن فرانسيا مەن يسپانيادا اپتاپ ىستىقتان العاشقى ءولىم تىركەلگەنى تۋرالى جازدىق.