«حەلەن» داۋىلى ا ق ش- تا الەك سالىپ جاتىر

استانا. KAZINFORM - «حەلەن» داۋىلى فلوريدا جاعالاۋىنا جەتىپ، دجوردجيا مەن وڭتۇستىك كاروليناعا بەت الدى. قازا تاپقاندار بار. بۇل تۋرالى NBC News حابارلايدى.

4-ساناتتاعى داۋىل كەزىندە فلوريدانىڭ سولتۇستىگىندەگى بيگ-بەند ايماعىندا جەلدىڭ ماكسيمالدى جىلدامدىعى 140 ميلگە (225,3 ك م/ساع) جەتتى.

اتاپ وتىلگەندەي، تولقىنداردىڭ بيىكتىگى 20 فۋتقا (6 مەتر) جەتكەن. ليەۆي وكرۋگىنە قاراستى سيدار-كي قالاسىنداعى ۇلتتىق مۇحيت قىزمەتىنىڭ تولقىن ولشەگىشى سۋ دەڭگەيىنىڭ ورتاشا تولقىننان 8,68 فۋت (2,6 مەتر) جوعارى ەكەنىن حابارلادى، بۇل شتاتتا سۋ تاسقىنىنا سەبەپ بولدى.

فلوريدانىڭ 67 وكرۋگىنىڭ 61 ىندە توتەنشە جاعداي جاريالاندى، ال بىرنەشە وكرۋگتە ەۆاكۋاتسيالاۋ تۋرالى بۇيرىق بەرىلدى.

Power Outage.us سايتىنىڭ مالىمەتىنشە، فلوريدادا 1036553 ءۇي مەن كاسىپورىن ەلەكتر قۋاتىنسىز قالدى.

داۋىلداردى باقىلاۋ ۇلتتىق ورتالىعىنىڭ حابارلاۋىنشا، فلوريدا شتاتىنىڭ پەرري-فولي اۋەجايىندا جەلدىڭ ەكپىنى 99 ميلگە (159 ك م/ساع) جەتكەنى تىركەلگەن.

فلوريدا شتاتىنىڭ تامپا قالاسىندا كولىگىنە بەلگى قۇلاعان ءبىر جۇرگىزۋشى قايتىس بولدى.

الاپات داۋىل دجوردجيانىڭ وڭتۇستىگىنە قاراي بەت الىپ، ماكسيمالدى تۇراقتى جەلدىڭ جىلدامدىعى ساعاتىنا 110 ميلگە جەتەدى، بۇل «ساففير-سيمپسون» داۋىلدار شكالاسى بويىنشا 2-ساناتقا سايكەس كەلىپ وتىر.

دجوردجيانىڭ وڭتۇستىگىندەگى ۆالدوستا، توماسۆيلل جانە كۋيتمان قالالارى «ەكسترەمالدىق جەل تۋرالى ەسكەرتۋ» الدى. تۇرعىندارعا دەرەۋ جابىق عيماراتتار نەمەسە باسپانالارعا كوشۋگە كەڭەس بەرىلدى.

دجوردجيا شتاتىنىڭ ۋيلەر وكرۋگىندە قاتتى جەل جىلجىمالى ءۇيدى اۋدارىپ تاستاپ، سالدارىنان ەكى ادام قازا تاپتى.

پرەزيدەنت دجو بايدەن وڭتۇستىك كارولينادا توتەنشە جاعداي جاريالاۋدى ماقۇلداپ، شتات ءۇشىن 40 تان استام وكرۋگتە «حەلەن» داۋىلىنا ارەكەت ەتۋ ماقساتىندا فەدەرالدى رەسۋرستاردى ءبولۋدى بۇيىردى.