حاماس ۇزاق ۇزىلىستەن سوڭ يزرايلدىڭ تەل-اۆيۆ ايماعىنا زىمىراندار جىبەردى

استانا. KAZINFORM - اتىس رافاحتان جۇرگىزىلدى، پالەستينانىڭ يسلامشىل حاماس قوزعالىسى ءتورت ايدان بەرى يزرايلدىڭ ورتالىعىنداعى تەل-اۆيۆ ايماعىنا زىمىران شابۋىلىن جاساعانىن ءمالىم ەتتى. بۇل تۋرالى BBC حابارلايدى.

گازانىڭ وڭتۇستىگىندەگى رافاح قالاسىنىڭ اۋدانىنان كەم دەگەندە 8 زىمىران اتىلدى، وندا قازىر يزرايل كۇشتەرى قالعان حاماس وتريادتارىمەن كۇرەسۋدە، بىرنەشە زىمىران اتىپ ءتۇسىرىلدى، دەپ حابارلايدى يزرايلدىڭ اسكەري كۇشتەرى. زارداپ شەككەندەر تۋرالى حابار جوق.

اتىس حالىقارالىق قىلمىستىق سوتتىڭ باس پروكۋرورى كاريم احماد حاننىڭ يزرايل پرەمەر-ءمينيسترى بەنيامين نەتانياحۋ مەن قورعانىس ءمينيسترى يواۆ گاللانتتى تۇتقىنداۋعا سانكتسيا بەرۋ تۋرالى مالىمدەمەسىنەن، سونداي-اق ءۇش ەۋروپالىق ەلدىڭ پالەستينا تەرريتورياسىن ەگەمەن مەملەكەت رەتىندە تانۋ نيەتى تۋرالى مالىمدەمەسىنەن بىرنەشە كۇن وتكەن سوڭ جاسالدى.

باسقا دا قالالار جانە گەرتسليا مەن پەتاح تيكۆا ەلدى مەكەندەرىندە زىمىران تۋرالى ەسكەرتۋ دابىلى ەستىلدى.

يزرايلدىك ب ا ق گەرتسلياداعى عيماراتتاردىڭ ءبىرىنىڭ باقشاسىنا قۇلاعان زىمىران سىنىقتارىنىڭ كادرىن جاريالادى.

الەۋمەتتىك جەلىلەردە جاريالانعان تاعى ءبىر بەينەجازبادا ورتالىق كفار-سابا قالاسىنىڭ ماڭىنداعى اشىق جەردە زىمىراننىڭ قۇلاۋىنان پايدا بولعان ۇلكەن شۇڭقىردى كورۋگە بولادى.

اۆتور
داۋلەت ىزتىلەۋ