حاماس يزرايلگە وق جاۋدىردى
استانا. KAZINFORM - پالەستينالىق حاماس توبى يزرايلگە قارسى وق جاۋدىردى. يزرايل ارمياسىنىڭ مالىمەتىنشە، زىمىرانداردىڭ ءبىرى تەل-اۆيۆ ماڭىنداعى تەڭىزگە، ەكىنشىسى گازا سەكتورىنا قۇلاعان. اتالعان وقيعا تۋرالى BILD Telegram ارناسى حابارلادى.
بۇل - حاماستىڭ مامىر ايىنىڭ سوڭىنان بەرى تەل-اۆيۆكە جاساعان العاشقى شابۋىلى. كۋاگەرلەر جارىلىستى ەستىگەنىن ايتىپ وتىر.
يزرايل ارمياسىنىڭ گازاداعى وپەراتسياسىنا قاراماستان، ۇيىم ءالى دە لاڭكەستىك شابۋىلدار جاساۋعا قاۋقارلى ەكەنىن كورسەتتى.
6-تامىزدا پالەستينالىق حاماس ۇيىمى ساياسي بيۋرونىڭ جاڭا باسشىسى بولىپ تەھراندا ولتىرىلگەن يسمايل حانيانىڭ ورنىنا ياحيا سينۆاردىڭ تاعايىندالعانىن حابارلادى.
ەسكە سالا كەتەيىك، بۇعان دەيىن ەۋروپانىڭ ءۇش مەملەكەتى يران مەن ونىڭ وداقتاستارىن يزرايلگە شابۋىل جاساۋدان باس تارتۋدى وتىنگەنىن جازعان ەدىك.
اۆتور
ابىلايحان جۇماشيەۆ