«حاماس» ۇيىمىنىڭ جاڭا جەتەكشىسى تاعايىندالدى
14:04, 07 - تامىز 2024
استانا. قازاقپارات - دوحادا حاماس جەتەكشىلەرىنىڭ 2 كۇندىك كەزدەسۋىنەن كەيىن ياحيا سينۆار ۇيىمنىڭ جاڭا قولباسشىسى بولىپ تاعايىندالدى.
قوزعالىس مۇشەلەرى 61 جاستاعى سينۆاردىڭ كانديداتۋراسىن ءبىراۋىزدان ماقۇلدادى. 2017 -جىلدان باستاپ ول توپتىڭ گازا سەكتورىنداعى جەتەكشىسى قىزمەتىن اتقارىپ كەلدى. ەندى توپتىڭ ساياسي تىرەگى بولادى. بۇل تۋرالى حاماس- تىڭ جوعارى لاۋازىمدى وكىلى BBC اگەنتتىگىنە مالىمدەدى.
ۇيىم تاياۋ شىعىستا شيەلەنىس كۇرت وسكەن كەزەڭدە وسىنداي شەشىم قابىلدادى. ويتكەنى يران مەن ونىڭ وداقتاستارى قوزعالىستىڭ بۇرىنعى باسشىسى حانيانىڭ ولىمىنە يزرايلدى ايىپتاپ وتىر. ال يزرايل تاراپى بۇعان ەش ءتىل قاتقان جوق.