يزرايل 39 پالەستينالىق تۇتقىندى حاماس ەركىنە قويا بەرگەن 13 يزرايلدىككە ايىرباستادى. سونىمەن قاتار ءتورت تايلاند ازاماتى بوساتىلدى. بۇل تۋرالى Kazinform اگەنتتىگى Times of Israel سايتىنا سىلتەمە جاساپ حابارلايدى.
بوستاندىققا شىققانداردى قالىڭ جۇرت كۇتىپ الدى.
حاماس يزرايلگە قايتارعان تۇتقىنداردىڭ ىشىندە توعىز جاسار ەميلي حەند دە بار. بۇگىن ول وتباسىنا ورالدى.
جەكسەنبى كۇنى كەشكە ەكى جاقتان كەپىلگە الىنعان ءۇشىنشى توپتى بوساتۋ جوسپارلانىپ وتىر.
ەستەرىڭىزگە سالا كەتەيىك، جۇما كۇنى يزرايل حاماس- پەن كەلىسىم بويىنشا، كەپىلگە الىنعان العاشقى 13 يزرايلدىكتىڭ بوساتىلۋىنا جاۋاپ رەتىندە 39 پالەستينالىق تۇتقىندى بوساتقان بولاتىن.
ءوزارا تۇتقىن الماسۋ — يزرايل مەن حاماس اراسىنداعى ءتورت كۇندىك ءبىتىم اياسىندا بولىپ جاتىر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.