حاماس قوزعالىسىنىڭ جوعارى لاۋازىمدى مۇشەلەرى كاتاردان تۇركياعا كوشتى

استانا. KAZINFORM - دوحا يزرايل مەن حاماس اراسىنداعى اراداعى كەلىسسوزدەردەن باس تارتقان سوڭ حاماس قوزعالىسىنىڭ جوعارى لاۋازىمدى مۇشەلەرى تۇركياعا كوشتى. بۇل تۋرالى «The Times of Israel» حابارلادى.

قاراشا ايىنىڭ باسىندا كاتار يزرايل مەن حاماس اراسىنداعى كەلىسسوزدەرگە دەلدالدىقتى توقتاتتى. كاتار سىرتقى ىستەر مينيسترلىگىنىڭ باسشىسى مادجيد بەن مۇحاممەد ءال-انساري گازاداعى اتىستى توقتاتۋ ماسەلەسىن شەشۋدە ەكى جاق بايسالدىلىق تانىتسا، دوحا قايتادان اراعايىندىققا كەلۋگە دايىن ەكەنىن ايتتى.

- حاماس-تىڭ جوعارى لاۋازىمدى مۇشەلەرى وتكەن اپتادا كاتاردان تۇركياعا كوشتى، ويتكەنى دوحا گازاداعى سوعىستى توقتاتۋ جونىندەگى كەلىسسوزدەردەگى دەلدالدىقتان باس تارتادى، - دەلىنگەن حابارلامادا.

اتى-ءجونىن اتاماۋدى وتىنگەن اراب ديپلوماتىنىڭ The Times of Israel گازەتىنە ايتۋىنشا، كاتار يزرايلمەن كەلىسسوزدەرگە رەسمي تۇردە اراشا بولعان كەزدە دە حاماس قوزعالىسىنىڭ باسشىلىعى كوپ ۋاقىتىن تۇركيادا وتكىزگەن.

اۆتور
جاراسقان نۇرىبايەۆ