حاماس گازا سەكتورىن پالەستينانىڭ ۇلتتىق اكىمشىلىك باسقارۋىنا بەرۋگە دايىن

استانا. KAZINFORM - حاماس گازا سەكتورىن پالەستينانىڭ ۇلتتىق اكىمشىلىك باسقارۋىنا بەرۋگە دايىن، دەپ حابارلايدى 24kz.

Sky News Arabia تەلەارناسىنىڭ حابارلاۋىنشا، مۇنداي شەشىم كايردەگى كەلىسسوز كەزىندە قابىلدانعان. حاماس سونداي-اق اكىمشىلىككە قوسىلعاننان كەيىن قوزعالىس مۇشەلەرىنىڭ جۇمىس ورىندارىن ساقتاۋ نەمەسە ولاردى كەپىلدىك بەرىلگەن تولەمى بار زەينەتكەرلىككە جىبەرۋ قاجەت دەگەن شارت قويعان.

ا ق ش پرەزيدەنتىنىڭ تاياۋ شىعىس بويىنشا ارناۋلى وكىلى ستيۆ ۋيتكوففتىڭ ايتۋىنشا، وسى اپتادا حاماس پەن يزرايل اراسىنداعى بەيبىت ءبىتىم كەلىسىمىنىڭ ەكىنشى كەزەڭى باستالۋعا ءتيىس. ءبىرىنشى كەزەڭدە 6 اپتاعا دەيىن وق اتپاۋ جانە 33 يزرايلدىكتى 1900 پالەستينالىققا ايىرباستاۋ تۋرالى مامىلە جاسالعان بولاتىن.