حاماس پالەستينا حالقىنىڭ مۇددەسىن بىلدىرمەيدى - ماحمۋد ابباس

 پالەستينا ۇلتتىق اۆتونومياسىنىڭ جەتەكشىسى ماحمۋد ابباس حاماس يزرايلدە تۇتقىنعا الىنعان بەيبىت تۇرعىنداردى بوساتۋى كەرەك ەكەنىن ايتتى، دەپ حابارلايدى Kazinform بۇل تۋرالى DW جاڭالىقتارىنا سىلتەمە جاساپ. 

«گازا سەكتورىن باقىلايتىن راديكالدى يسلامشىل حاماس قوزعالىسىنىڭ ارەكەتى مەن ساياساتى پالەستينا حالقىنىڭ مۇددەسىن بىلدىرمەيدى» دەدى پالەستينا ۇلتتىق اۆتونومياسىنىڭ باسشىسى ماحمۋد ابباس ۆەنەسۋەلا باسشىسى نيكولاس مادۋرومەن تەلەفون ارقىلى اڭگىمەسىندە.

دۇيسەنبى، 16-قازاندا پالەستينانىڭ WAFA اقپارات اگەنتتىگى ساياساتكەرلەردىڭ اڭگىمەسىنەن ءۇزىندى كەلتىردى.

ابباس پالەستينانىڭ دا، يزرايلدىڭ دە بەيبىت تۇرعىندارىن ولتىرۋگە قارسى ەكەنىن ءبىلدىردى، سونداي-اق «قوس تاراپتاعى بەيبىت حالىقتى، تۇتقىندار مەن قاماۋعا الىنعانداردى» بوساتۋعا شاقىردى، دەپ جازادى WAFA.

«پالەستينا- يزرايل قاقتىعىسى ساياسي شەشىممەن، ەشقانداي زورلىق-زومبىلىقسىز اياقتالۋى كەرەك» دەپ ءۇزىندى كەلتىرەدى اگەنتتىك.