بۇل تۋرالى سۋ رەسۋرستارى جانە يرريگاتسيا ۆيتسە-ءمينيسترى جاندوس ءسالىموۆ باياندادى.
ۆيتسە-مينيستر «قازسۋشار» ر م ك- نىڭ ماتەريالدىق-تەحنيكالىق بازاسىن نىعايتۋ ماقساتىندا 757 ارنايى تەحنيكا ساتىپ الۋعا قارجىلىق ليزينگ شارتى جاسالعانىن ايتتى. قازىرگى ۋاقىتتا ونىڭ 650 داناسى جەتكىزىلدى.
جاڭا تەحنيكالار كاسىپورىننىڭ ماتەريالدىق-تەحنيكالىق بازاسىن نىعايتۋعا جانە سۋ شارۋاشىلىعى نىساندارىن كۇتىپ ۇستاۋ مۇمكىندىگىن ارتتىرۋعا باعىتتالعان.
- 101 بيۋجەتتىك باعدارلاما شەڭبەرىندە بيىل رەسپۋبليكالىق ماڭىزى بار، سۋ جەتكىزۋگە تىكەلەي قاتىسى جوق 107 گيدروتەحنيكالىق قۇرىلىستا جوندەۋ جۇمىستارى جۇرگىزىلەدى. جىلدىق جوسپاردىڭ 80 پايىزى ورىندالدى. قالعان جۇمىستى جىل سوڭىنا دەيىن اياقتاۋ جوسپارلانعان، - دەدى ج. ءسالىموۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
كانالداردىڭ سۋ وتكىزۋ قابىلەتىن جاقسارتۋ ءۇشىن ولاردى مەحانيكالىق تازارتۋ جۇمىستارى دا جۇرگىزىلىپ جاتىر.
بىلتىر 1840 شاقىرىم كانال تازارتىلسا، بيىل جوسپارلانعان 3606 شاقىرىمنىڭ 2342 شاقىرىمىندا جۇمىس ورىندالدى. قالعان بولىگىن جىل سوڭىنا دەيىن تازارتۋ كوزدەلگەن. ال 2027-جىلى تاعى 3800 شاقىرىم كانال مەحانيكالىق تازارتۋدان وتەدى.
تابيعي ەكوجۇيەلەردى ساقتاۋ ءۇشىن دە سۋ جىبەرۋ كولەمى بەلگىلەنگەن. بيىل وسى ماقساتقا 1,926 ميلليارد تەكشە مەتر سۋ ءبولۋ جوسپارلانعان. قازىرگى ۋاقىتتا ونىڭ 1,905 ميلليارد تەكشە مەترى جىبەرىلدى.
ايتا كەتەيىك، قازاقستاندا 2030-جىلعا دەيىن 42 جاڭا سۋ قويماسى سالىنادى. سونداي-اق 37 سۋ قويماسى مەن 110 گيدروتەحنيكالىق قۇرىلىس قايتا جاڭعىرتىلىپ، 14,5 مىڭ شاقىرىم كانال جوندەلەدى.
سونىمەن بىرگە، سۋ شارۋاشىلىعى ماماندارىنىڭ جالاقىسى تاعى 15 پايىز ءوستى.