- مەملەكەت باسشىسىنىڭ بيىلعى جولداۋىندا ايتىلعان تاپسىرماسىنا سايكەس، «حالىقتىق قۇرىلىس» باعدارلاماسى اياسىندا ەلىمىزدىڭ وڭىرلەرىندە 21 ءبىلىم بەرۋ نىسانىن سالۋ كوزدەلگەن. بالالاردىڭ ساپالى ءبىلىم الۋىن جانە قاجەتتى جان-جاقتى قولداۋ اياسىندا ەلىمىزدىڭ 20 وڭىرىندە وڭالتۋ جانە ساۋىقتىرۋ بولمەلەرى بار جاڭا فورماتتاعى 20 ينكليۋزيۆتى مەكتەپ كەشەنىن سالۋ جوسپارلانعان، - دەدى جايىق شاراباسوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
بۇدان بولەك ول جاڭا مەكتەپتەر سالۋمەن قاتار، قولدانىستاعى ءبىلىم بەرۋ ينفراقۇرىلىمىن جاڭارتۋعا ەرەكشە نازار اۋدارىلعانىن ەسكە سالدى. 2019-2026 -جىلدار ارالىعىندا 1916 مەكتەپتە كۇردەلى جوندەۋ جۇرگىزىلگەن.
- نەگىزگى باعىتتاردىڭ ءبىرى - مەكتەپتەردى جاڭعىرتۋ. بۇل شارا بالالاردىڭ ءبىلىم الۋى مەن دامۋى ءۇشىن قولايلى ءارى قولداۋ كورسەتەتىن ورتا قالىپتاستىرۋ، سونداي-اق مەكتەپتەردىڭ ماتەريالدىق-تەحنيكالىق بازاسىن نىعايتۋ ارقىلى قالالىق جانە اۋىلدىق ءبىلىم بەرۋ مەكەمەلەرى اراسىنداعى ءبىلىم ساپاسى الشاقتىعىن قىسقارتۋعا باعىتتالعان. مەملەكەت باسشىسى قاسىم-جومارت توقايەۆتىڭ تاپسىرماسى بويىنشا 2023- 2025 -جىلدار ارالىعىندا ەلىمىزدىڭ شاعىن قالالارىندا، اۋدان ورتالىقتارى مەن اۋىلداردا ورنالاسقان 3008 مەكتەپ اۋقىمدى تۇردە جاڭعىرتىلدى. جىل سايىن شامامەن مىڭعا جۋىق ءبىلىم بەرۋ مەكەمەسى جاڭارتىلىپ وتىردى، - دەدى ۆيتسە-مينيستر.