حالىققا 1 پايىزدىق نەسيە قاشان بەرىلە باستايدى - وبلىس اكىمىنىڭ جاۋابى
قوستاناي وبلىسىنىڭ اكىمى قۇمار اقساقالوۆ بۇگىن ورتالىق كوممۋنيكاتسيالار قىزمەتىندە وتكەن بريفينگتە تورعاي حالقىنا 1 پايىزدىق مولشەرلەمەمەن نەسيە قاشان بەرىلە باستايتىنىن ايتتى، دەپ حابارلايدى Kazinform.
بريفينگ كەزىندە جۋرناليست تورعاي ءوڭىرىنىڭ تۇرعىندارىنا 1 پايىزدىق نەسيە بەرۋ تۋرالى ۋادە قاشان ورىندالاتىنىن سۇرادى.
«1,5 ميلليارد تەڭگە 1 پروتسەنتپەن ءبولىندى. قازىر جانگەلدى، امانگەلدى اۋداندارى مەن ارقالىق قالاسىنىڭ كاسىپكەرلەرى بۇكىل قۇجاتتارىن دايىنداپ، تاپسىرىپ جاتىر. قاراجاتىمىز دايىن. جاڭاعى قۇجاتتارىن ءبىتىرىپ، تاپسىرسا، قارجىلاندىرۋعا دايىنبىز»، - دەدى قۇمار اقساقالوۆ.
سونداي- اق وبلىس باسشىسى رۋدنىي قالاسىنداعى قازاق مەكتەپتەرىنىڭ تاپشىلىعى قالاي شەشىلەتىنىن ايتتى.
«رۋدنىي قالاسىندا ەكى مەكتەپ سالىنىپ جاتىر. بۇل - قازاق مەكتەپتەرى. سوندىقتان بۇل ماسەلە دە كەزەڭ- كەزەڭىمەن شەشىلەدى»، - دەدى قوستاناي وبلىسىنىڭ اكىمى.
اۆتور
ەسىمجان ناقتىباي