استانا. KAZINFORM - قازىر قىلمىسكەرلەر قاماۋعا الىندى. قازاقستاننىڭ ىشكى ىستەر مينيسترلىگى ينتەرپول ۇلتتىق ورتالىق بيۋروسى كريمينالدىق پوليتسيا قىزمەتكەرلەرىمەن بىرلەسىپ، الماتى اۋەجايىندا حالىقارالىق ىزدەۋدە جۇرگەن ق ح ر ازاماتتارىن ۇستادى، - دەپ حابارلايدى Aikyn.kz.
ۇستالعانداردىڭ ءبىرىن قىتايدىڭ قۇقىق قورعاۋ ورگاندارى ىزدەستىرگەن. ول حاربين قالاسى داولي اۋدانىنىڭ بازارىندا 100 دەن استام ساتۋشىدان اقشا بوپسالاعان. قىلمىسكەر ۆەتنامنان شىعىپ، قازاقستانعا قاتار ارقىلى كىرمەك بولعان.
ال ەكىنشى ەر ادامعا ساۋد ارابياسىنىڭ قۇقىق قورعاۋ ورگاندارى ەر-رياد قالاسىنداعى ايگىلى دۇكەندەردەن اسا ءىرى مولشەردە زەرگەرلىك بۇيىمداردى ۇرلاعانى ءۇشىن ىزدەۋ جاريالاعان. كەلتىرىلگەن شىعىن 200 مىڭ ا ق ش دوللارىنان اسادى.
قازىر قىلمىسكەرلەر قاماۋعا الىندى. ولاردى ەكستراديتسيالاۋ ماسەلەسى شەشىلىپ جاتىر.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан