حالىقارالىق ىزدەۋدە جۇرگەن قازاقستاندىق كورەيادان ەلگە جەتكىزىلدى

استانا. KAZINFORM - ىزدەۋ سالىنعان قازاقستان ازاماتى وڭتۇستىك كورەيادا ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ كومەكشىسى، رەسمي وكىل دانيار بيگايداروۆ ءمالىم ەتتى.

«باس پروكۋراتۋرامەن بىرلەسىپ، سىرتقى ىستەر مينيسترلىگىنىڭ جانە ىشكى ىستەر مينيسترلىگى ينتەرپولدىڭ قولداۋىمەن حالىقارالىق ىزدەۋدە جۇرگەن كۇدىكتى ج. وڭتۇستىك كورەيا رەسپۋبليكاسىنان قازاقستانعا جەتكىزىلدى. ول جاردەمدەسۋ، قىلمىستى ارانداتۋ جانە پسيحوتروپتىق زاتتارمەن زاڭسىز قارىم-قاتىناس جاسادى دەپ كۇدىككە ءىلىندى (ق ر ق ك 28-بابى 5-بولىگى، 296-بابى 4-بولىگى جانە 412-1-بابى 3-بولىگى 1-تارماعى).

رەسمي وكىلدىڭ ايتۋىنشا، كۇدىكتى 2022 -جىلى تۇركىستان وبلىسى پوليتسيا قىزمەتكەرلەرىمەن ءسوز بايلاسىپ، جەرگىلىكتى تۇرعىندى بەلگىسىز ادامدارعا «مەفەدرون» پسيحوتروپتىق زاتىن ساتىپ الۋعا كوندىرگەن. ول 29-ناۋرىزدا الماتى قالاسىنىڭ تەرگەۋ يزولياتورىنا قامالدى.

اۆتور
داۋلەت ىزتىلەۋ