2026 -جىلدىڭ 1-7-قازان كۇندەرى ارالىعىندا وتكەن قازاقستاننىڭ حالىق ءارتيسى، «پاراسات»، «قۇرمەت» وردەندەرىنىڭ يەگەرى، كورنەكتى تەاتر جانە كينو اكتريساسى، قازاقتىڭ قىز جىبەگى مەرۋەرت وتەكەشيەۆانىڭ 75 جاسىنا ارنالعان4 -شى «تەاتر All» IV حالىقارالىق تەاتر فەستيۆالى ءوز مارەسىنە جەتتى.
حالىقارالىق تەاتر ونەر دوداسىنا وزبەكستان، قىرعىز رەسپۋبليكاسى جانە ازەربايجاننىڭ تەاتر ۇجىمدارى، سونداي-اق استانا قالاسىنىڭ جەتەكشى تەاترلارى مەن ماڭعىستاۋ، اقمولا، تۇركىستان، اتىراۋ، ۇلىتاۋ جانە باسقا دا وڭىرلەردىڭ تەاترلارى قاتىستى.
قازىلار القاسىنىڭ شەشىمىمەن ءبىرقاتار تەاتر ۇجىمدارى مەن ونەر مايتالماندارى فەستيۆالدىڭ ارنايى اتالىمدارى مەن جۇلدەلەرىنە يە بولدى.
«ۇزدىك قويىلىم» نوميناتسياسى بويىنشا ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «ۇلپان» سپەكتاكلى ۇزدىك دەپ تانىلدى.
«ۇزدىك اكتەرلىك انسامبل» نوميناتسياسى ب. كىدىكەيەۆا اتىنداعى قىرعىز مەملەكەتتىك جاس كورەرمەن تەاترىنىڭ «ءجاميلا» سپەكتاكلىنە بەرىلدى.
«ۇزدىك رەجيسسۋرا» نوميناتسياسىن ن. جانتۋرين اتىنداعى ماڭعىستاۋ وبلىستىق سازدى دراما تەاترىنىڭ «توي» سپەكتاكلىن قويعان رەجيسسەر دينا جۇمابايەۆا يەلەندى.
«ۇزدىك ەر ادام بەينەسى» اتالىمىندا مۋزىكالىق جاس كورەرمەن تەاترىنىڭ «شاكارىم» سپەكتاكلىندەگى شاكارىم ءرولى ءۇشىن ايان وتەپبەرگەن ماراپاتتالدى.
«ۇزدىك ايەل ادام بەينەسى» نوميناتسياسى م. گوركي اتىنداعى مەملەكەتتىك اكادەميالىق ورىس دراما تەاترىنىڭ «سوتۆوريۆشايا چۋدو يلي چتو تاكوە ليۋبوۆ؟» سپەكتاكلىندەگى انني ءرولىن سومداعان پولينا حارلاموۆاعا تابىستالدى.
«ۇزدىك اكتەرلىك دۋەت» جۇلدەسىنە وزبەكستان مەملەكەتتىك دراما تەاترىنىڭ «ءلايلى مەن ءماجنۇن» سپەكتاكلىندەگى ءلايلى مەن ءماجنۇن رولدەرىن سومداعان نودير مۋحاممادجونوۆ پەن حۋسنيا تۋرامۋروتوۆا يە بولدى.
«ۇزدىك سەنوگرافيا» اتالىمى ق. قۋانىشبايەۆ اتىنداعى قازاق ۇلتتىق مۋزىكالىق دراما تەاترىنىڭ «اننا كارەنينا. رومان پاراقتارى» سپەكتاكلى ءۇشىن قانات ماقسۇتوۆقا بەرىلدى.
«سپەكتاكلدىڭ ۇزدىك مۋزىكاسى» جۇلدەسىن اقمولا وبلىستىق ورىس دراما تەاترىنىڭ «ۆىسترەل نا پەريەۆالە كاراش» سپەكتاكلى ءۇشىن باتىرحان سابىر يەلەندى.
«ەكىنشى پلانداعى ۇزدىك ەر ادام بەينەسى» اتالىمىندا اسانالى ءاشىموۆ تەاترىنىڭ «توميريس» سپەكتاكلىندەگى باحتيار ءرولى ءۇشىن مۇحتار قوسىباي ماراپاتتالدى.
«ەكىنشى پلانداعى ۇزدىك ايەل ادام بەينەسى» جۇلدەسى ن. جانتۋرين اتىنداعى ماڭعىستاۋ وبلىستىق سازدى دراما تەاترىنىڭ «توي» سپەكتاكلىندەگى ەمما ءرولىن سومداعان گيۋل زياتوۆاعا تابىستالدى.
فەستيۆالدىڭ ارنايى جۇلدەلەرى دە ءوز يەلەرىن تاپتى.
«اسانالى ءاشىموۆ اتىنداعى جۇلدە» س. قوجامقۇلوۆ اتىنداعى ۇلىتاۋ وبلىستىق سازدى دراما تەاترىنىڭ «ماكبەت» سپەكتاكلىندەگى ماكبەت ءرولى ءۇشىن نۇرجان بەيسبەكوۆكە بەرىلدى.
«حاديشا بوكەيەۆا اتىنداعى جۇلدەگە» اتىراۋ جاستار تەاترىنىڭ «قارالى سۇلۋ» سپەكتاكلىندەگى قاراكوز ءرولى ءۇشىن گۇلدانا كوشەربايەۆا يە بولدى.
«قۇمان تاستانبەكوۆ اتىنداعى جۇلدە» «م. تەاتر» تاۋەلسىز تەاترىنىڭ (ءازىربايجان رەسپۋبليكاسى) «وۆود» سپەكتاكلىندەگى ارتۋر ءرولى ءۇشىن زيا اگاعا تابىستالدى.
فوتو: مۋزىكالىق جاس كورەرمەن تەاترى
«مەرۋەرت وتەكەشيەۆا اتىنداعى جۇلدە» ق. قۋانىشبايەۆ اتىنداعى قازاق ۇلتتىق مۋزىكالىق دراما تەاترىنىڭ «اننا كارەنينا. رومان پاراقتارى» سپەكتاكلىندەگى اننا كارەنينا ءرولى ءۇشىن اقمارال تانابايەۆاعا بەرىلدى.
سونىمەن قاتار فەستيۆالدىڭ كاسىبي باعىتتاعى ارنايى اتالىمدارى بويىنشا دا جەڭىمپازدار انىقتالدى.
«ۇزدىك بالەتمەيستەر» اتالىمىنىڭ يەگەرى - استانا قالالىق تسيركىنىڭ «Contrasst» ءبي تەاترىنىڭ «مەتامارفوزى» سپەكتاكلىندەگى جۇمىسى ءۇشىن كارينا جيرەنبايەۆا.
«رەجيسسۋراداعى جاڭا ەسىم» اتالىمى ر. سەيتمەتوۆ اتىنداعى تۇركىستان قالاسىنىڭ سازدى دراما تەاترىنىڭ «قاتىنقامال» سپەكتاكلى ءۇشىن نۇرجان ىزتايەۆقا بەرىلدى.
«ۇزدىك ەپيزودتىق رول» (ەر ادام) اتالىمىندا «قاناتتىلار» ينكليۋزيۆتى تەاترىنىڭ «اباي-لا» سپەكتاكلىندەگى ادام ءرولى ءۇشىن يسلام ماعىتانوۆ ماراپاتتالدى.
ال «ۇزدىك ەپيزودتىق رول» (ايەل ادام) جۇلدەسىن ءا. مامبەتوۆ اتىنداعى مەملەكەتتىك دراما جانە كومەديا تەاترىنىڭ «تاناكوز» سپەكتاكلىندەگى نۇرگۇل اپا ءرولى ءۇشىن بيبىگۇل يساليەۆا يەلەندى.