حالىقارالىق ەڭبەك ۇيىمىنىڭ باس ديرەكتورى جيلبەر ۋنگبو قازاقستانعا كەلەدى

استانا. KAZINFORM - ول 4-قىركۇيەكتە استانادا قازاقستان جۇمىس بەرۋشىلەرىنىڭ سەزىنە قاتىسىپ، ەلدەگى ءىرى بيزنەس وكىلدەرىنىڭ الدىندا ءسوز سويلەيدى.

حالىقارالىق ەڭبەك ۇيىمى- ەڭبەك قاتىناستارىن رەتتەۋمەن اينالىساتىن بىرىككەن ۇلتتار ۇيىمىنىڭ مامانداندىرىلعان مەكەمەسى. ونىڭ قۇرامىنا قازاقستاندى قوسقاندا 187 مەملەكەت كىرەدى. ۇيىمنىڭ نەگىزگى ماقساتى-الەۋمەتتىك ادىلەتتىلىكتى قامتاماسىز ەتۋ.

ۇيىم قاقتىعىستاردى شەشۋ جانە ەڭبەك جاعدايلارىن جاقسارتۋ ءۇشىن ۇكىمەتتەر، جۇمىس بەرۋشىلەر جانە جۇمىسشىلار اراسىنداعى ديالوگتى ىلگەرىلەتەتىن تريپارتيزم قاعيداتى بويىنشا جۇمىس ىستەيدى.

بۇعان دەيىن حالىقارالىق ەڭبەك ۇيىمى جۇمىسسىزدىق دەڭگەيىنە قاتىستى ءوز بولجامدارىن ۇسىنعان بولاتىن. ەسەپتە جاھاندىق جۇمىسسىزدىق دەڭگەيى 2024 -جىلى %4,9 عا دەيىن تومەندەيتىنى، ءبىراق ەڭبەك نارىعىنداعى ەلەۋلى تەڭسىزدىكتەر ساقتالاتىنى ايتىلعان. اسىرەسە تابىسى تومەن ەلدەردە جۇمىس تاپشىلىعىنان ايەلدەر قاتتى زارداپ شەگۋدە.