ول مۇنى ب ا ق وكىلدەرىنىڭ قاتىسۋىمەن وتكەن باسپا ءسوز ماسليحاتىندا ءمالىم ەتتى، دەپ حابارلايدى Kazinform اگەنتتىگىنىڭ ەريەۆانداعى مەنشىكتى ءتىلشىسى.
- مەن وپپوزيتسياعا رەفەرەندۋم وتكىزۋ بويىنشا ۇسىنىس جاساپ وتىرمىن. ەگەر حالىق جاڭا كونستيتۋتسيانى قابىلداماسا، مەن وتستاۆكاعا كەتەمىن. ال ەگەر ەل ازاماتتارى وعان قولداۋ كورسەتسە، وندا كەلەسى سايلاۋدا پرەمەر-مينيستر لاۋازىمىنا كانديداتۋرامدى ۇسىنبايمىن، - دەدى نيكول پاشينيان.
پرەمەر-مينيستر اتاپ وتكەندەي، ول بۇل ۇسىنىستى ءبىر كۇن بۇرىن پارلامەنتتە ءىشىنارا جاريالاعان، ال بۇگىن اشىق تۇردە مالىمدەۋدى ءجون سانادى. نيكول پاشينيان جاڭا كونستيتۋتسيانىڭ جوباسى كەلەسى اپتادا قوعامدىق تالقىلاۋعا شىعارىلاتىنىن ايتتى.
- كونستيتۋتسيا جوباسىنا وزگەرىستەر ەنگىزىلۋى كەرەك. الايدا ول «شىنايى ارمەنيا» يدەولوگياسىنىڭ شەڭبەرىنەن شىقپاۋعا ءتيىس، - دەپ قورىتىندىلادى پرەمەر-مينيستر.
ەسكە سالايىق، تاياۋدا نيكول پاشينيان جاڭا كونستيتۋتسيانى قولدامايتىن وپپوزيتسياعا قوعام تاراپىنان قىسىم جاسالۋى مۇمكىن ەكەنىن ايتىپ ەدى.
مۇنىمەن بىرگە ول جاڭا كونستيتۋتسيانى قابىلداۋ بارىسىندا وپپوزيتسيامەن ءوزارا تۇسىنىستىك تابىلماسا، كەزەكتەن تىس پارلامەنت سايلاۋىن وتكىزۋ مۇمكىندىگىن قاراستىراتىنىن ايتقان بولاتىن.