حاكەرلەر ءبىلىم بەرۋ جۇيەسىنە شابۋىل جاسادى: ۇستازداردىڭ جالاقى دەرەكتەرى ۇرلانعان

استانا. KAZINFORM - ق ر باس پروكۋراتۋراسى ازاماتتارعا جاڭا كيبەرقاۋىپ تۋرالى ەسكەرتتى.

شەتەلدىك دەرەككوزدەرگە سايكەس (Microsoft Security Blog, Dzen.ru, SecurityLab.ru, CISOclub.ru)، ءبىرقاتار كيبەرشابۋىلدار ناتيجەسىندە ا ق ش- تىڭ 25 وقۋ ورنىندا 6000 نان استام مۇعالىم زارداپ شەككەن.

ينتەرنەت-الاياقتار تولەم دەرەكتەمەلەرىنە قول جەتكىزىپ، ولاردى وزدەرىنىڭ بانك شوتتارىنا اۋدارۋ ارقىلى اقشا ۇرلاعان.

مامانداردىڭ ايتۋىنشا، الاياقتىقتىڭ بۇل ءتۇرى باسقا ەلدەرگە، سونىڭ ىشىندە قازاقستانعا دا بەيىمدەلۋى مۇمكىن.

- وسىعان بايلانىستى باقىلاۋشى ورگاننىڭ كوميتەتى ازاماتتارعا كيبەرقىلمىسكەرلەردىڭ قۇربانى بولماۋ ءۇشىن تومەندەگى ەرەجەلەردى ساقتاۋعا كەڭەس بەرەدى:

كۇمان تۋدىراتىن حاتتار مەن سىلتەمەلەردى اشپاۋ؛

ەلەكتروندىق حاتتاردىڭ تىركەمەلەرىن جۇكتەمەۋ؛

كۇردەلى قۇپياسوزدەر مەن ەكى فاكتورلى اۋتەنتيفيكاتسيانى پايدالانۋ.

ءسىزدىڭ ەڭ جاقسى قورعانىشىڭىز - قىراعىلىق جانە كيبەرگيگيەنا!» - دەپ اتاپ ءوتتى ۆەدومستۆودان.