قازاقستان GovTech سيفرلاندىرۋدىڭ پلاتفورمالىق مودەلىنە كوشەدى
سيفرلاندىرۋدىڭ پلاتفورمالىق مودەلىنە جانە «Data-Driven Government» تۇجىرىمداماسىنا كوشۋ جونىندەگى جوبالاردى ىسكە اسىرۋ سالاسىنداعى ىنتىماقتاستىق تۋرالى مەموراندۋمعا قول قويدى.
ق ر ۇكىمەتى باسپا ءسوز قىزمەتىنىڭ حابارلاۋىنشا، قول قويۋ ءراسىمى ق ر پرەزيدەنتى قاسىم- جومارت توقايەۆ پەن ر ف پرەزيدەنتى ۆلاديمير پۋتيننىڭ قاتىسۋىمەن بەينەكونفەرەنسيا بايلانىسى فورماتىندا ءوتتى، دەپ حابارلايدى قازاقپارات.
قۇجات قازاقستاندا GovTech سيفرلىق پلاتفورماسىن ەنگىزۋ، دەرەكتەردى تالداۋ جانە جاساندى زەردە بويىنشا پراكتيكالاردى قولدانا وتىرىپ، مەملەكەتتىك باسقارۋدىڭ رەينجينيرينگى جانە سيفرلىق ترانسفورماتسيالاۋ بويىنشا ىنتىماقتاستىقتى دامىتۋدىڭ نەگىزگى تاسىلدەرىن كوزدەيدى. سيفرلىق ارحيتەكتۋرانىڭ پلاتفورمالىق مودەلى حالىققا مەملەكەتتىك قىزمەت كورسەتۋدىڭ جىلدامدىعى مەن تيىمدىلىگىن ارتتىرۋعا جول اشادى.
«بۇل جوبا مەملەكەتتەرىمىزدىڭ ءوزارا سەنىمىنىڭ بەلگىسىن تاعى ءبىر ايقىنداي تۇسەدى. 15 جىلدان استام ۋاقىت ءبىزدىڭ نارىقتا تابىستى جۇمىس ىستەپ كەلە جاتقان س ب ە ر- ءدىڭ قازاقستاندىق مەمتەحتىڭ ينستيتۋتسيونالدىق نەگىزىن قالىپتاستىرۋعا اتسالىسۋى قازاقستان مەن رەسەي اراسىنداعى ىنتىماقتاستىقتى زياتكەرلىك تەحنولوگيا سياقتى اسا ماڭىزدى سالا ارقىلى جان- جاقتى ەتە تۇسەدى. شىن مانىندە، بۇل وتە ماڭىزدى قادام»، - دەدى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ.
مەملەكەت باسشىسى وسى ستراتەگيالىق جوبانى ىسكە اسىرۋ قازاقستان ازاماتتارىنىڭ تۇرمىس ساپاسىن ارتتىرۋعا جانە بيزنەس احۋالدى جاقسارتۋعا ىقپال ەتەتىنىن ايتتى. رەسەي فەدەراتسياسىنىڭ پرەزيدەنتى ۆلاديمير پۋتين ءوز سوزىندە ق ر ۇكىمەتى مەن س ب ە ر كومپانيالار توبى اراسىنداعى قۇجاتقا قول قويۋ ەكى ەلدىڭ بارلىق سالاداعى، سونىڭ ىشىندە سيفرلاندىرۋداعى ىنتىماقتاستىعىنىڭ جوعارى دەڭگەيىنىڭ تاعى ءبىر دالەلى ەكەنىن اتاپ ءوتتى.