Google ءوز قولدانۋشىلارىن زاڭسىز اڭدىعان
11:02, 31 - مامىر 2021
نۇر-سۇلتان. قازاقپارات - Google كومپانياسىنىڭ باسى داۋعا قالدى، دەپ حابارلايدى «حابار 24».
«بيزنەس ينسايدەر» باسىلىمىنىڭ حابارلاۋىنشا، تەحنولوگيالىق الپاۋىت ءوز قولدانۋشىلارىن زاڭسىز اڭدىعان. سمارتفون يەلەرى گەولوكاتسياسىن كورسەتەتىن فۋنكتسيانى ءوشىرىپ تاستاعان كەزدە دە كومپانيا ولاردىڭ تۇرعان جەرى تۋرالى مالىمەت جيناۋىن توقتاتپاسا كەرەك. كورپوراتسيانىڭ باسشىلارى مەن ينجەنەرلەرى بۇل جايىندا حاباردار بولعان ەكەن.
ودان بولەك، تەحنولوگيالىق الپاۋىت سمارتفون وندىرۋشىلەرىن قولدانۋشىلاردان قۇپيالىلىق باپتاۋلارىن جاسىرۋعا مىندەتتەگەن.
ايتا كەتكەن ءجون، بىلتىر ا ق ش- تىڭ اريزونا شتانىنىڭ پروكۋراتۋراسى زاڭسىز اڭدۋعا قاتىستى Google-گە قارسى ءىس قوزعاعان ەدى. ال اۆستراليا سوتى كومپانيانى «ءوز قولدانۋشىلارىن الدادى» دەپ ايىپتاعان.